 |
| ល្ខោន cai luong របស់ភាគខាងជើងនៅដំបន់ភាកខាងត្បូង (sankhau.com.vn) |
Vovworld-ក្នុងការប្រឡងល្ខោន cai luong ជំនាញទូទាំងប្រទេសឆ្នាំ២០១៥លើក
នេះ ប្រការដែលធ្វើឲ្យទស្សនិកជន Bac Lieu រង់ចាំនិងចាប់អារម្មណ៍បំផុតគឺឈុត
សម្ដែងរបស់ក្រុមសិល្បៈ cai luong មកពីពីភាគខាងជើង។ គេចង់ទស្សនារបៀបនិង
ព័ណ៌ដោយឡែកនៃវប្បធម៍ភាគខាងជើងលាយជាមួយប្រភេទល្ខោន cai luong
ប្រពៃណីភាគខាងត្បូងយ៉ាងម៉េច។ លោក Vuu Long Vy នាយកមជ្ឈមណ្ឌលវប្បធម៍
Bac Lieu បានចែករំលែកថា៖
“ក្រុមល្ខោន cai luong នៅភាគខាងជើងលើកនេះសុទ្ធតែមានការត្រៀមរៀបចំ
ដ៏ម៉ត់ចត់។ នាគ្រាដំបូងទស្សនិកជន Bac Lieu ក៏សង្ស័យមិនដឹងថា បណ្ដាឈុត
សម្ដែង cai luong ភាគខាងជើងគួរឲ្យទាក់ទាញដែរឬទេ? ប៉ុន្តែពេលបានទស្សនា
ឈុតសម្ដែងដំបូងគឺឃើញថាឈុតសម្ដែងមានការទាក់ទាញណាស់ហើយក្នុង
ប៉ុន្មានថ្ងៃក្រោយនោះរោងល្ខោនមិនមានកៅអីនៅទំនេរឡើយ។”
ក្នុងចំណោមឈុតសម្ដែងចូលរួមប្រឡងនៃក្រុមល្ខោន cai luong មកពីភាគខាង
ជើង អាចនិយាយដល់ឈុតសម្ដែង Mai Hac De នៃរោងល្ខោន cai luong វៀតណាម។
នេះជាវណ្ណកម្មត្រូវបានវិនិយោគម៉ត់ចត់ ជាពិសេសបង្កើតចំណាប់អារម្មណ៍ដោយ
ការប្រើប្រាស់បច្ចេកទេសទំនើបដែលធ្វើឲ្យឆាកល្ខោនល្អស្អាតនិងបង្ហើរកំលាំងរស់
ថ្មីក្នុងប្រភេទល្ខោន cai luong បុរាណ។
នាយករងរោងល្ខោន cai luong វៀតណាម សិល្បករឆ្នើម Trieu Trung Kien បាន
ឲ្យដឹងថា៖
“Mai Hac De អាចនិយាយបានថាជាឈុតសម្ដែងបានវិនិយោគដ៏ម៉ត់ចត់បំផុត
ពីមុនមកនៃរោងល្ខោន cai luong វៀតណាម។ ដោយការត្រះរិះខំប្រឹងប្រែងកសាង
ឈុតសម្ដែងល្ខោនដោយប្រធានបទប្រវត្តិសាស្ត្រប៉ុន្តែពោពេញទៅដោយដង្ហើម
រស់នៃជីវភាពរស់នៅនាបច្ចុប្បន្ន នាំមកនូវសារប្រយោជន៍សំរាប់ជីវភាពរស់នៅក្នុង
នោះមានការអំពាវនាវមហាសាមគ្គីជាតិការពាររឹងមាំអធិបតេយ្យភាពនៃប្រជាជាតិ។”
តាមបណ្ដាសិល្បករសិល្បការិនីល្ខោន cai luong ភាគខាងត្បូងឲ្យដឹងថា ក្រុម
cai luong នានាមកពីភាគខាងជើង មានឈុតសម្ដែងចូលរួមការប្រឡងគឺយ៉ាងល្អ
មើលដោយមានខ្លឹមសារ ស្និទ្ធស្នាលនឹងជីវភាពប្រចាំថ្ងៃ។ អាចនិយាយដល់ឈុត
សម្ដែងកុលបុត្រកុលធិតា Thach Thanh នាគ្រានោះ របស់ក្រុមល្ខោន cai luong ខេត្ត
Thanh Hoa ឬឈុតសម្ដែង ការប្រណាំងក្នុងស្រមោលខ្មៅ នៃក្រុមល្ខោន cai luong
ខេត្ត Thai Binh ជាដើម។
ជាពិសេសគណចាត់តាំងបាននាំក្រុមល្ខោន cai luong មកពីភាគខាងជើងទៅ
សម្ដែងបំរើប្រជាជននៅស្រុកចំនួន៥របស់ខេត្ត Bac Lieu គឺ Hong Dan, Gia Rai, Dong
Hai, Vinh Loi និង Phuoc Long។សិល្បករឆ្នើម Nguyen Dang Toan ប្រធានក្រុមល្ខោន
cai luong ទីក្រុង Hai Phong បានចែករំលែកថា៖
“ទស្សនិកជន Bac Lieu ក៏ទទួលក្រុមល្ខោន cai luong ភាគខាងជើងយ៉ាងកក់ក្តៅ
ដែលបន្សល់ទុកមកនូវចំណាប់អារម្មណ៍ល្អស្អាត។ រាត្រីសម្ដែងនៅស្រុក Hong Dan
ដែលមិនទាន់ដល់ម៉ោង១៩ប៉ុណ្ណោះប៉ុន្តែទស្សនិកជនបានមកជាច្រើន ពិសេសគឺ
ទស្សនិកជនវ័យក្មេងមកដើម្បីកំសាន្តកម្មវិធីសម្ដែងរបស់ក្រុម។”
ដោយក្តិស្រលាញ់និងការជក់ចិត្តសំរាប់សិល្បៈល្ខោន cai luong បណ្ដាសិល្បករ
សិល្បការិនីមកពីភាពខាងជើងបានសម្ដែងឲ្យទស្សនិកជន Bac Lieu និងបណ្ដាខេត្ត
ភាគខាងត្បូងនូវឈុតសម្ដែងមានគុណភាពពោពេញទៅដោយចរិតសិល្បៈនិងការ
ចាប់អារម្មណ៍ក្នុងប៉ុន្មានថ្ងៃប្រព្រឹត្តទៅការប្រឡងល្ខោន cai luong ជំនាញទូទាំងប្រទេស
ឆ្នាំ២០១៥។ រាល់ឈុតសម្ដែងនៃក្រុមល្ខោន cai luong ភាគខាងជើងនិយាយដោយ
ឡែកនិងក្រុមសិល្បៈនានាដែលចូលរួមការប្រឡងនិយាយរួមបានបណ្ដែតខ្យល់ថ្មី
អំពីការចាប់អារម្មណ៍ ការរៀបចំថ្មី ជិតស្និទ្ធជាងនឹងចង្វាក់សម័យដើម្បីល្ខោន cai luong
បន្តខិតមកជិតនឹងទស្សនិកជននៅគ្រប់ទិសទី៕