រំលឹកវិញ្ញាណក្ខ័ន្ធដល់អដ្ឋិធាតុយុទ្ធជនពលីកងទ័ពស្មគ្រចិត្តវៀតណាមចំនួន ៦៨ នាក់

នាថ្ងៃទី ២៥ កក្កដា នៅឈាបនដ្ឋានសពយុទ្ធជនពលី Doc Ba Dac ឃុំ Thoi Son ស្រុក Tinh Bien ខេត្ត An Giang យោធភូមិភាគទី ៩ បានសហការជាមួយខេត្ត An Giang បានប្រារព្ធពិធីរំលឹកវិញ្ញាណក្ខន្ធដល់អដ្ឋិធាតុយុទ្ធជនពលីកងទ័ពស្ម័គ្រចិត្តវៀតណាមចំនួន ៦៨ នាក់ ដែលបានពលីជីវិតក្នុងសង្គ្រាមនៅកម្ពុជា និងក្នុងប្រទេស។

អញ្ជើញថ្លែងនៅក្នុងពិធីរំលឹកវិញ្ញាណក្ខន្ធ លោក Nguyen Thanh Binh ប្រធានគណៈកម្មាធិការប្រជាជនខេត្ត An Giang ប្រធានគណៈកម្មាធិការដឹកនាំលេខ ៥១៥ ខេត្ត An Giang បានថ្លែងអំណរគុណចំពោះការគាំទ្រដ៏ស្មោះស្ម័គ្ររបស់អាជ្ញាធរមូលដ្ឋានគ្រប់ជាន់ថ្នាក់ ប្រជាជនក្នុងប្រទេស និងខេត្តក្រុងនានានៃព្រះរាជាណាចក្រកម្ពុជា ដែលបានសម្របសម្រួល និង បានផ្តល់ព័ត៌មានជាច្រើនអំពីទីតាំងសម្រាប់ជីកគាស់ ស្វែងរកអដ្ឋិធាតុយុទ្ធជនពលី ជួយក្រុម K៩០ និងក្រុម K៩៣ បំពេញភារកិច្ចដែលបក្ស រដ្ឋ និងប្រជាជនប្រគល់ជូន។ លោក Nguyen Thanh Binh បានអះអាងថា ការរៀបចំស្វែងរក និងប្រមូលផ្ដុំអដ្ឋិធាតុយុទ្ធជនពលី គឺជាការទទួលខុសត្រូវ និងកាតព្វកិច្ចរបស់មនុស្សជំនាន់បច្ចុប្បន្នផងដែរ៕