EU គាំទ្រកិច្ចខិតខំប្រឹងប្រែងដើម្បីពន្យាពេលគំនិតផ្តួចផ្តើមគ្រាប់ធញ្ញជាតិសមុទ្រខ្មៅ
(VOVWORLD) - នាថ្ងៃទី ១៤ ខែកក្កដា អ្នកនាំពាក្យរបស់សហភាពអឺរ៉ុប (EU) បានឲ្យដឹងថា គណៈកម្មការអឺរ៉ុប (EC) កំពុងគាំទ្រអង្គការសហប្រជាជាតិ និងទួរគីក្នុងកិច្ចខិតខំប្រឹងប្រែងដើម្បីពន្យាពេលគំនិតផ្តួចផ្តើមគ្រាប់ធញ្ញជាតិសមុទ្រខ្មៅ ដែលនឹងផុតកំណត់នៅថ្ងៃទី ១៧ ចែកក្កដា។
 កប៉ាល់ដឹកស្រូវសាលីរបស់អ៊ុយក្រែនចូលចតនៅកំពង់ផែ Djibouti ថ្ងៃទី ៣០ ខែសីហា ឆ្នាំ ២០២២។ រូបថត៖ AFP/VNA |
សហភាពអឺរ៉ុបក៏បានអំពាវនាវឲ្យភាគីពាក់ព័ន្ធយល់ព្រមឲ្យបានឆាប់ៗដើម្បីពន្យាពេលកិច្ចព្រមព្រៀងនេះ។ សហភាពអឺរ៉ុបកំពុងពិចារណាតភ្ជាប់សាខា១នៃធនាគារកសិកម្មរុស្សី (Rosselkhozbank) ទៅនឹងប្រព័ន្ធទូទាត់អន្តរជាតិ SWIFT ជាថ្នូរនឹងការពន្យាពេលកិច្ចព្រមព្រៀងដែលអនុញ្ញាតឱ្យនាំចេញគ្រាប់ធញ្ញជាតិប្រកបដោយសុវត្ថិភាពពីអ៊ុយក្រែនតាមរយៈសមុទ្រខ្មៅ។ ជម្រើសនេះត្រូវបានលើកឡើងនៅក្នុងលិខិតរបស់អគ្គលេខាធិការអង្គការសហប្រជាជាតិលោក Antonio Guterres ទៅកាន់ប្រធានាធិបតីរុស្ស៊ីលោក Vladimir Putin ដែលបានស្នើឱ្យរុស្ស៊ីយល់ព្រម រក្សាការអនុវត្តកិច្ចព្រមព្រៀងគ្រាប់ធញ្ញជាតិរយៈពេលពីរបីខែទៀត៕