ក្រុម IS នៅទីតាំងមួយក្នុងខេត្ត Anbar ប្រទេសអ៊ីរ៉ាក់។ រូបថត៖ AFP/TTXVN

ក្រុមប្រឹក្សាសហភាពអឺរ៉ុប (EU) កាលពីម្សិលមិញ (ថ្ងៃទី ២៣ ខែតុលា) បានឲ្យដឹងថា សមាជិក EU បានអនុម័តលើសេចក្ដីសម្រេចចិត្តពន្យារពេលវិធានការណ៍រឹតត្បិតបច្ចុប្បន្នចំពោះអង្គការរដ្ឋអ៊ីស្លាមស្វ័យប្រកាស (IS) និងអង្គការភេរវករអាល់កៃដា ក៏ដូចជាបុគ្គល ក្រុម អង្គការ និងអង្គភាពពាក់ព័ន្ធរយៈពេល ១ ឆ្នាំទៀត ពោលគឺដល់ថ្ងៃទី ២១ តុលា ឆ្នាំ ២០២៤។

បច្ចុប្បន្ននេះ EU កំពុងដាក់ទណ្ឌកម្មលើបុគ្គលចំនួន ១៤ នាក់ និងក្រុមចំនួន ៥ រួមទាំងការបង្កកទ្រព្យសម្បត្តិ និងហាមឃាត់ការចូលទៅក្នុងទឹកដីរបស់ប្លុកនេះ។ ក្នុងពេលនោះ បុគ្គល និងអង្គការរបស់ EU ក៏ត្រូវបានហាមឃាត់មិនឱ្យផ្តល់ទុន ទ្រព្យសម្បត្តិហិរញ្ញវត្ថុ ឬប្រភពធនធានសេដ្ឋកិច្ចដល់បុគ្គល និងអង្គការនានាក្នុងបញ្ជីទណ្ឌកម្មផងដែរ។ បទដាក់ទណ្ណកម្មទាំងនេះបានបំពេញបន្ថែមលើកញ្ចប់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិចំពោះ IS និងអាល់កៃដាផងដែរ៕