នាថ្ងៃទី ៨ មករា គណៈកម្មាធិការអឺរ៉ុប បានចាប់ផ្ដើមជំនួបពិភាក្សាអំពីថវិកា របស់សហភាពអឺរ៉ុប (EU) ក្រោយពីអង់គ្លេសចាកចេញពីប្លុកនេះ។ ប្រភពហិរញ្ញ វត្ថុសំរាប់វិស័យមួយចំនួនគ្រោងនឹងត្រូវបានកាត់បន្ថយដើម្បីប្រមូលផ្ដុំសំរាប់កម្មវិធីរួមនានា។ បើទោះបីជាគ្រោងនឹងចាកចេញពី EU នាឆ្នាំ២០១៩ក្ដី ប៉ុន្តែអង់គ្លេស នៅសន្យាបន្តរួមវិភាគទានសំរាប់ថវិកានៃប្លុកនេះរហូតដល់ឆ្នាំ២០២០។ ស្នងការ អឺរ៉ុបទទួលបន្ទុកថវិកាលោក Gunther Oettinger វាយតំលៃថា ការដែលប្រទេស អង់គ្លេសចាកចេញពី EU នឹងធ្វើឲ្យថវិការបស់ប្លុកនេះបាត់បង់ទឹកប្រាក់ពី១២ ដល់១៣ពាន់លានអឺរ៉ូ ជារៀងរាល់ឆ្នាំ៕