រដ្ឋមន្ត្រី Tran Tuan Anh និងឯកអគ្គរដ្ឋទូតសាធារណរដ្ឋសហព័ន្ធអាល្លឺម៉ង់ប្រចាំនៅវៀតណាមលោក Guido Hildner បានចុះហត្ថលេខាលើអនុស្សរណៈនៃការយោគយល់គ្នាសម្រាប់ទិសដៅកិច្ចសហប្រតិបត្តិការជាក់លាក់នាពេលខាងមុខ (រូបថត៖  VNA)

អត្ថបទដកស្រង់សម្តីលោករដ្ឋមន្ត្រី Peter Altmaier ដោយអះអាងថា៖ កិច្ចព្រមព្រៀងពាណិជ្ជកម្មសេរីរវាងសហភាពអឺរ៉ុបនិងវៀតណាម (EVFTA) ចូលជាធរមានចាប់ពីខែសីហាឆ្នាំ ២០២០ បានបង្កើតកម្លាំងចលករដ៏សំខាន់មួយសម្រាប់ការបង្កើនទំនាក់ទំនងពាណិជ្ជកម្មរវាងប្រទេសទាំងពីរ។ យោងតាម BMWI បានឲ្យដឹងថា ចំណាប់អារម្មណ៍ពិសេសរបស់សហគ្រាស អាឡឺម៉ង់ក្នុងការបង្កើនកិច្ចសហប្រតិបត្តិការជាមួយវៀតណាម ត្រូវបានឆ្លុះបញ្ចាំងតាមរយៈសមាសភាពរួមនៃកិច្ចប្រជុំនេះ រួមមានមេដឹកនាំសមាគមនិងធុរកិច្ចជាច្រើន។

នាថ្ងៃដដែលនោះគេហទំព័រព័ត៌មានហិរញ្ញវត្ថុអាល្លឺម៉ង់ finanzen.net ក៏បានចុះផ្សាយព័ត៌មានអំពីអាឡឺម៉ង់និងវៀតណាមដែលមានបំណងចង់ជំរុញថែមទៀតនូវទំនាក់ទំនងសេដ្ឋកិច្ចរវាងប្រទេសទាំងពីរ។ អត្ថបទបានអះអាងថាកិច្ចព្រមព្រៀង EVFTA នឹងជួយបង្កើនទំហំពាណិជ្ជកម្មទ្វេភាគី ក៏ដូចជាវត្តមានរបស់ក្រុមហ៊ុនអាឡឺម៉ង់ដែលបច្ចុប្បន្នមានជាង ៣៥០ ដែលកំពុងប្រតិបត្តិការនៅវៀតណាម៕