លោក Le Trong Hieu នាយកផ្នែកពិគ្រោះយោបល់និងដោះដូរ-សេវា កម្មអចលនទ្រព្យឧស្សាហកម្មនៃក្រុមហ៊ុន CBRE វៀតណាម បានវិភាគថា EVFTA នឹងជាកម្លាំងចលករដែលជួយឲ្យសេដ្ឋកិច្ចវៀតណាមស្ដារឡើង វិញក្រោយជំងឺ Covid-19។ ជាពិសេសគឺ ភាពជោគជ័យក្នុងការប្រយុទ្ធ ប្រឆាំងជំងឺរាតត្បាតនាពេលកន្លងទៅ នឹងជួយឲ្យវៀតណាមបន្តទទួលបាន លំហូរទុនវិនិយោគរបស់បណ្ដាក្រុមហ៊ុនផលិតកម្ម។

តាមការស្រាវជ្រាវរបស់ក្រុមហ៊ុន CBRE វៀតណាមបានសរឲ្យឃើញ ថា កាលពីមុននេះតម្រូវការជួលអចលនទ្រព្យឧស្សាហកម្មរបស់ក្រុមហ៊ុន អឺរ៉ុបមិនសូវមានច្រើនទេ។ ប៉ុន្តែ CBRE រំពឹងទុកថា តម្រូវការនេះនឹងកើន ឡើងនាពេលខាងមុខ ដោយផ្ដោតទៅលើវិស័យមួយចំនួនដូចជា៖ គ្រឿង ម៉ាស៊ីន ឧបករណ៍អេឡិចត្រូនិក និងវាយនភ័ណ្ឌ ជាដើម។

វិស័យមួយក្នុងចំណោមវិស័យដែលកំពុងមានការអភិវឌ្ឍយ៉ាងឆាប់រហ័សនៅវៀតណាមនោះគឺវិស័យផលិតគ្រឿងបន្លាស់រថយន្ត។ ហេតុដូច្នេះ បណ្ដាមណ្ឌលឧស្សាហកម្មដែលជិតនឹងកំពង់ផែឬជិតនឹងរោងចក្រផលិត រថយន្ត នឹងទាក់ទាញបានវិនិយោគិនថ្មីៗជាច្រើន៕