IAEA អះអាងថា៖ អ៊ីរ៉ង់ប្រតិបត្តិតាមកិច្ចព្រមព្រៀងនុយក្លេអ៊ែរ

(VOVworld) – នាថ្ងៃទី ៩ តុលា អគ្គនាយកសទីភ្នាក់ងារថមាពលបរៈមាណូអន្តរជាតិ (IAEA) លោក Yukiya Amano បានអះអាងថា៖ អ៊ីរ៉ង់ប្រតិបត្តិតាមកិច្ចព្រមព្រៀងនុយក្លេអ៊ែរប្រវត្តិសាស្ត្រឬហៅថា «ផែនការធ្វើសកម្មភាពរួមលើគ្រប់ជ្រុងជ្រោយ» (JPCOA) ដែល  Tehran និងក្រុម P5+1 (រួមមាន អង់គ្លេស បារាំង អាមេរិក ចិន រុស្ស៊ីនិងអាល្លឺម៉ង់) បានចុះហត្ថលេខានាឆ្នាំ ២០១៥។ លោក Yukiya Amano បាននាំចេញសេចក្តីប្រកាស ពោលខាងលើបន្ទាប់ពីប្រធានាធិបតីអាមេរីក លោក Donald Trump បានចាត់ទុកថា៖  Tehran មិនប្រតិបត្តិតាម «ស្មារតី» នៃកិច្ចព្រមព្រៀងនេះទេ។ តំណាងជាន់ខ្ពស់ទទួល បន្ទុកកិច្ចការបរទេសនិងគោលនយោបាយសន្តិសុខរបស់សហភាពអឺរ៉ុប (EU) លោកស្រី Federica Mogherini ក៏បានឲ្យដឹងថែមទៀតថា៖ ការប្រតិបត្តិតាមកិច្ចព្រម ព្រៀងរបស់អ៊ីរ៉ង់ត្រូវបានទទួលស្គាល់យ៉ាងហោចណាស់ ៨ លើកដាច់ដោយឡែកពីគ្នារ។ តាម JCPOA ថា៖ Tehran ត្រូវបញ្ចប់កម្មវិធីអភិវឌ្ឍន៍នុយក្លេអ៊ែរដើម្បីលោកខាងលិចលុបចោលបទដាក់ទណ្ឌកម្ម។ ប៉ុន្តែ ប្រធានាធិបតីអាមេរិកបានចាត់ទុកថា៖ «នេះគឺជាកិច្ចព្រមព្រៀងអាក្រក់បំផុតពីមុនមក» ហើយស្វែងរកមូលហេតុដើម្បីដកខ្លួនចេញពីកិច្ចព្រមព្រៀងនេះដោយឯកតោភាគីឬបំផ្លាញចោលឯកសារប្រវត្តិសាស្ត្រនេះ៕