ពានរង្វាន់នេះបានបញ្ជាក់ពីឋានៈនិងឥទ្ធិពលនៃទេសចរណ៍ Moc Chau និងបានបង្ហាញពីការទទួលស្គាល់របស់សហគមន៍អន្តរជាតិចំពោះតំបន់ខ្ពង់រាបនៃខេត្ត Son La។ ពានរង្វាន់នេះបានជះឥទ្ធិពលយ៉ាងខ្លាំងដល់ការអភិវឌ្ឍន៍ទេសចរណ៍ Son La និយាយរួម និង Moc Chau និយាយដោយឡែក។ ឆ្នាំ២០២២ ភ្ញៀវទេសចរមកកាន់ Moc Chau បានកើនឡើងយ៉ាងខ្លាំង រហូតដល់ជិត ១,៦លាននាក់ ហើយត្រូវបានរំពឹងថានឹងកើនឡើងដល់ជាង ២,៤លាននាក់នៅឆ្នាំនេះ។

ស្ពានកញ្ចក់ Bach Long - ស្ពានកញ្ចក់វែងជាងគេលើពិភពលោក មានទីតាំងស្ថិតនៅតំបន់ទេសចរណ៍កោះ Moc Chau ទាក់ទាញភ្ញៀវទេសចរយ៉ាងច្រើនកុះករ។ រូបថត៖ VOV

លោក Le Trong Binh ប្រធានគណៈកម្មាធិការប្រជាជនស្រុក Moc Chau បានឲ្យដឹងថា៖  “ដើម្បីរក្សាបាននូវកិត្តិនាមជា “គោលដៅធម្មជាតិឈានមុខគេលើពិភពលោក” ស្រុក Moc Chau បច្ចុប្បន្ន បានរៀបចំផែនការ និងអភិរក្សតំបន់ដាំតែ និងវាលស្មៅ។ កន្លែងព្រៃឈើត្រូវបានកំណត់ ការពារនិងធានាឲ្យបានសមស្របទៅនឹង ផែនការថែរក្សាទេសភាពធម្មជាតិនៅស្រុក Moc Chau។ ក្នុងការអភិវឌ្ឍទេសចរណ៍សហគមន៍ ទេសចរណ៍ផ្សារភ្ជាប់ជាមួយនឹងកសិដ្ឋាននិងធម្មជាតិ យើងក៏កំពុងផ្តោតការយកចិត្តទុកដាក់លើការប្រើប្រាស់សម្ភារៈដែលមិនប៉ះពាល់ដល់បរិស្ថាន ផ្សារភ្ជាប់ជាមួយនឹងអត្តសញ្ញាណវប្បធម៌របស់ជនជាតិដើមភាគតិច ដើម្បីរំលេចនូវលក្ខណៈវិសេសវិសាលរបស់ Moc Chau”។

ជាមួយនឹងគោលការណ៍ “កសិកម្មជួយដល់ទេសចរណ៍” នាប៉ុន្មានឆ្នាំកន្លងទៅ ស្រុក Moc Chau បានអភិវឌ្ឍទេសចរណ៍ធម្មជាតិ និងគំរូកសិកម្មជាច្រើន ដោយនាំមកជូនភ្ញៀវនូវសកម្មភាពឆ្លងបទពិសោធន៍គួរឱ្យចាប់អារម្មណ៍ដូចជា៖ ការប្រមូលផលនិងកែច្នៃកសិផលនៅចំការស្ត្របឺរី ទួលតែ កសិដ្ឋានទេសចរណ៍គោយកទឹកដោះ ចំការផ្លែព្រូន និងរៀបចំការរត់ម៉ារ៉ាតុង ផ្លូវលំវៀតណាម ផងដែរ៕