កុងតឺន័រដឹកទំនិញនៅប្រទេសចិន កាលពីថ្ងៃទី១៨ ខែធ្នូ ឆ្នាំ២០២១  (រូបថត៖ VNA)

សន្និសីទអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍ (UNCTAD) ទើបចេញផ្សាយឯកសារធ្វើបច្ចុប្បន្នភាពពាណិជ្ជកម្មសកល សម្រាប់ខែកុម្ភៈ ឆ្នាំ ២០២២ ដោយបញ្ជាក់ថាកំណើនពាណិជ្ជកម្មសកលបានកើនឡើងក្នុងត្រីមាសទី ៤ ឆ្នាំ ២០២១ ប៉ុន្តែបានព្យាករណ៍ថានឹងថយចុះក្នុងត្រីមាសទី ១ ឆ្នាំ ២០២២។

ដូច្នេះហើយ នៅឆ្នាំ ២០២១ ពាណិជ្ជកម្មសកលសម្រេចបានកម្រិតខ្ពស់បំផុតគឺ ២៨ ៥០០ ពាន់លានដុល្លារអាមេរិក កើនឡើងប្រមាណ ២៥% បើធៀបនឹងឆ្នាំ ២០២០ និងកើនឡើងប្រមាណ ១៣% បើធៀបនឹងកម្រិតមុនការផ្ទុះឡើងជំងឺរាតត្បាតកូវីដ ១៩។ កំណើនពាណិជ្ជកម្មសកលបានរក្សាស្ថិរភាពនៅក្នុងឆមាសទីមួយនៃឆ្នាំ ២០២១ ហើយបន្តកើនឡើងក្នុងឆមាសទីពីរ។ ទោះជាយ៉ាងណាក៏ដោយ និន្នាការនេះទំនងជានឹងថយចុះ ដូច្នេះពាណិជ្ជកម្មសកលគ្រោងនឹងថយចុះ ហើយវិលត្រឡប់ទៅស្ថានការណ៍ប្រក្រតីវិញក្នុងឆ្នាំ ២០២២៕