ប្រជាជនជម្លៀសចេញពីតំបន់ជន់លិចក្នុងទីក្រុង Kherson បន្ទាប់ពីការបាក់ទំនប់វារីអគ្គិសនី Kakhovka កាលពីថ្ងៃទី៧ ខែមិថុនា ឆ្នាំ២០២៣។ រូបថត៖ AFP/VNA

នាយកផ្នែកសង្គ្រោះបន្ទាន់របស់ WHO លោក Mike Ryan បានឲ្យដឹងថា WHO បានផ្តល់ជំនួយដល់តំបន់នានាក្នុងទីក្រុង Kherson ដែលគ្រប់គ្រងដោយរុស្ស៊ី ប៉ុន្តែវត្តមានរបស់អង្គការនេះនៅក្នុងតំបន់ដែលអ៊ុយក្រែនគ្រប់គ្រងនៅតែស្ថិតក្នុង "ដំណាក់កាលដំបូង" ។

នៅថ្ងៃដដែលនោះ អគ្គនាយក WHO លោក Tedros Adhanom Ghebreyesus បានសង្កត់ធ្ងន់ថា កុំមើលស្រាលលើផលប៉ះពាល់នៃប្រព័ន្ធផ្គត់ផ្គង់ទឹកក្នុងតំបន់ និងសេវាសុខភាពសាធារណៈ។ WHO បានបង្កើនការឧបត្ថម្ភដល់អាជ្ញាធរនិងបុគ្គលិកសុខាភិបាល ជាមួយនឹងវិធានការបង្ការជំងឺទាក់ទងនឹងទឹក និងកែលម្អការត្រួតពិនិត្យជំងឺ។

នៅក្នុងការវិវឌ្ឍន៍មួយផ្សេងទៀត ប្រធានាធិបតីអ៊ុយក្រែន Volodymyr Zelensky បានទៅទស្សនាតំបន់លិចទឹក ដើម្បីពិភាក្សាអំពីប្រតិបត្តិការសង្គ្រោះបន្ទាន់។ លោក Zelensky បានសង្កត់ធ្ងន់លើភាពចាំបាច់ត្រូវគណនាការខូចខាត និងផ្តល់ជំនួយដល់ជនរងផលប៉ះពាល់ ហើយដាក់ចេញកម្មវិធីសំណងសម្រាប់ការខូចខាត និងរៀបចំសហគ្រាសក្នុងខេត្ត Kherson ឡើងវិញ៕