WTO ព្រមានអំពីការបង្កើនភាពតានតឹងពាណិជ្ជកម្មអាមេរិកនិងបណ្ដាសម្ព័ន្ធមិត្ត

        ថ្លែងមតិនៅកិច្ចប្រជុំជាមួយអធិការបតីអាល្លឺម៉ង់ លោកស្រី Angela Merkel និងបណ្ដាថ្នាក់ដឹកនាំនៃមូលនិធិរូបីយវត្ថុអន្តរជាតិ (IMF) និងធនាគារពិភពលោក (WB) រួមជាមួយអង្គការអន្តរជាតិផ្សេងៗទៀតនៅរដ្ឋធានីបែកឡាំង អាល្លឺម៉ង់ នាថ្ងៃទី ១១ មិថុនា អគ្គនាយកអង្គការពាណិជ្ជកម្មពិភពលោក (WTO) លោក Roberto Azevedo បានព្រមានអំពីគ្រោះថ្នាក់នៃការឡើងជណ្តើរភាពតានតឹង ពាណិជ្ជកម្មរវាងអាមេរិកនិងបណ្ដាខឿនសេដ្ឋកិច្ចស្នូលលើពិភពលោកក្រោយពីកិច្ចប្រជុំកំពូលបណ្ដាខឿនឧស្សាហកម្មជួរមុខលើពិភពលោកចំនួន ៧ (G7) ទើបនឹងបិទបញ្ចប់នៅកាណាដា។ លោក Azevedo បានឲ្យដឹងថា៖ ទំនាក់ទំនង អន្តរអាត្លង់ទិកនិងសង្គ្រាមពាណិជ្ជកម្មផ្សេងៗទៀតនឹងជះឥទ្ធិពលទៅលើខឿន សេដ្ឋកិច្ចសកលក្នុងរយៈពេលយូរអង្វែង។ លោកសង្កត់ធ្ងន់ថា៖ ប្រការសំខាន់ ពេលនេះគឺត្រូវទប់ស្កាត់ការឡើងជណ្តើរភាពតានតឹងនេះក៏ដូចជាបញ្ចប់ភ្លាមមួយ រំពិចការតបតវិញគ្នាទៅវិញទៅមក។ ការព្រមានរបស់អគ្គនាយក WTO លោក Azevedo ត្រូវបាននាំចេញក្នុងកាលៈទេសៈទំនាក់ទំនងរវាងអាមេរិកនិងបណ្ដា ប្រទេស G7 កំពុងអាក្រក់ទៅៗដោយការដាក់ប្រព័ន្ធយកពន្ធនាំចូលចំពោះមុខទំនិញអាលុយមីញ៉ូមនិងដែកថែបពីសហភាពអឺរ៉ុប កាណាដានិងុម៉ិកស៊ិក៕