កងកម្លាំងសន្តិសុខពហុជាតិនឹងត្រូវបានដាក់ពង្រាយនៅប្រទេសហៃទីក្នុងខែឧសភា
(VOVWORLD) - រដ្ឋមន្ត្រីការបរទេស Bahamas លោក Fred Mitchell បានបញ្ជាក់ថា សកម្មភាពដាក់ពង្រាយកងកម្លាំងចម្រុះជាតិសាសន៍ ដើម្បីស្ដារសន្តិសុខក្នុងប្រទេសហៃទី នឹងចាប់ផ្តើមនៅថ្ងៃទី២៦ ខែឧសភា។
 រថយន្តប៉ូលិសដើរល្បាតតាមដងផ្លូវនៃទីក្រុង Port-au-Prince ប្រទេសហៃទី កាលពីថ្ងៃទី២ ខែមេសា ឆ្នាំ២០២៤ (រូបភាព៖ AFP/TTXVN) |
មកទល់ពេលនេះ ប្រទេសអាហ្វ្រិក អាស៊ី និងការាបៀនចំនួន ៧ រួមមាន កេនយ៉ា បាហាម៉ាស ហ្សាម៉ាអ៊ីក បាបាដូស បេនីន ឆាដ និងបង់ក្លាដែស បានបង្ហាញពីឆន្ទៈក្នុងការផ្តល់ធនធានមនុស្សសម្រាប់បេសកកម្មជំនួយសន្តិសុខពហុជាតិដែលបានដាក់ពង្រាយនៅក្នុងប្រទេសហៃទី។
សម្រាប់ខ្លួនវិញ មេដឹកនាំសម្ព័ន្ធមិត្តនៃក្រុមប្រដាប់អាវុធ “Viv Ansanm” លោក Jimmy Cherizier ដែលមានឈ្មោះហៅក្រៅថា Barbecue បានប្រកាសថា សម្ព័ន្ធភាពនេះនឹងប្រយុទ្ធដើម្បីរំដោះប្រទេសហៃទី “ចេញពីក្ដាប់ដៃរបស់អ្នកនយោបាយប្រពៃណី និងមេដឹកនាំពុករលួយ”៕