សាលប្រជុំកំពូលសហភាពអឺរ៉ុបនៅទីក្រុងព្រុចសែលប្រទេសបែលហ្ស៊ិក  (រូបថត៖ multimedia.europarl.europa.eu)

ក្នុងសារលិខិតដែលបានផ្ញើជូនប្រមុខរដ្ឋបណ្ដាប្រទេសជាសមាជិក EU ដើម្បីអញ្ជើញចូលរួមកិច្ចប្រជុំកំពូលលើកដំបូងរបស់ EU ក្រោយពីវិស្សមកាលរដូវក្ដៅនោះ ប្រធានក្រុមប្រឹក្សាអឺរ៉ុបលោក Charles Michel បានសង្កត់ធ្ងន់ថា តម្លៃថាមពលនឹងក្លាយទៅជាប្រធានបទសំខាន់ៗដើមដំបូង ដែលថ្នាក់ដឹកនាំអឺរ៉ុបចាំបាច់ត្រូវពិភាក្សា ក្នុងបរិបទ ដែលអឺរ៉ុបកំពុងប្រឈមនឹងវិបត្តិថាមពល ដោយបានជះឥទ្ធិពលអវិជ្ជមានដល់ការស្ដារសេដ្ឋកិច្ចក្រោយជំងឺរាតត្បាតរបស់អឺរ៉ុប ហើយបានប៉ះពាល់ផ្ទាល់ដល់ជីវភាពរស់នៅរបស់ប្រជាជននៅប្រទេសជាច្រើន។

បន្ទាប់ពីបញ្ហាថាមពល ប្រធានបទអំពីការប្រយុទ្ធប្រឆាំងនឹងការប្រែប្រួលអាកាសធាតុក៏នឹងក្លាយជាអាទិភាពសម្រាប់ការពិភាក្សារបស់ថ្នាក់ដឹកនាំអឺរ៉ុបផងដែរ។ ប្រធានក្រុមប្រឹក្សាអឺរ៉ុបលោក Charles Michel បានចាត់ទុកថា បណ្ដាប្រទេសអឺរ៉ុបចាំបាច់ត្រូវបង្ហាញគោលដៅរួមមួយនៅក្នុងកិច្ចប្រជុំកំពូលស្ដីពី អាកាសធាតុ COP26 ដែលនឹងប្រព្រឹត្តិទៅនាចុងខែនេះនៅស្កុតឡេន ចក្រភពអង់គ្លេស។