ប្រតិភូចូលរួមកិច្ចប្រជុំមន្ត្រីជាន់ខ្ពស់សមាគមប្រជាជាតិអាស៊ីអាគ្នេយ៍ (SOM ASEAN) នៅប្រទេសឥណ្ឌូនេស៊ី។ រូបថត៖ qdnd.vn

កាលពីម្សិលមិញ (ថ្ងៃទី ៤ ខែសីហា) ក្រសួងព័ត៌មាន និងផ្សព្វផ្សាយឥណ្ឌូនេស៊ីបានប្រកាសថា កិច្ចប្រជុំកំពូលសមាគមប្រជាជាតិអាស៊ីអាគ្នេយ៍ (អាស៊ាន) លើកទី ៤៣ និងកិច្ចប្រជុំពាក់ព័ន្ធនឹងប្រព្រឹត្តទៅចាប់ពីថ្ងៃទី ៥ ដល់ថ្ងៃទី ៧ កញ្ញា នៅទីក្រុងហ្សាកាតា ដោយមានការចូលរួមពីថ្នាក់ដឹកនាំនៃប្រទេសចំនួន ២៦។

កិច្ចប្រជុំផ្តោតសំខាន់ទៅលើការពិភាក្សាអំពីបញ្ហាសំខាន់ៗដែលកំពុងកើតមាននៅក្នុងតំបន់ ក៏ដូចជាបញ្ហាទាក់ទងនឹងកិច្ចសហប្រតិបត្តិការជាមួយដៃគូខាងក្រៅ។ ជាពិសេស កិច្ចប្រជុំនឹងពិភាក្សាអំពីក្រមប្រតិបត្តិនៅសមុទ្រខាងកើត (COC) សន្ធិសញ្ញាអាស៊ីអាគ្នេយ៍ស្តីពីតំបន់គ្មានអាវុធនុយក្លេអ៊ែរ (SEANFWZ) ចក្ខុវិស័យនាវាចរណ៍អាស៊ាន និងចក្ខុវិស័យអាស៊ានស្តីពីឥណ្ឌូ ប៉ាស៊ីហ្វិក ( AOIP) និងបញ្ហាទាក់ទងនឹងមីយ៉ាន់ម៉ា។

ក្រៅពីប្រទេសជាសមាជិកអាស៊ាន ចូលរួមកិច្ចប្រជុំនេះក៏មានថ្នាក់ដឹកនាំដៃគូសន្ទនារួមមាន អូស្ត្រាលី ឥណ្ឌា ចិន ជប៉ុន កូរ៉េខាងត្បូង រុស្ស៊ី អាមេរិក កាណាដា និងតំណាងអង្គការសហប្រជាជាតិ៕