អនុរដ្ឋមន្រ្តីក្រសួងកសិកម្មនិងអភិវឌ្ឍជនបទវៀត ណាមលោកPhung Duc Tien ថ្លែងនៅកិច្ចប្រជុំ (រូបថត៖ កាសែត Da Lat)

  នាថ្ងៃទី៦មីនា នៅទីក្រុង Da Lat តំបន់ខ្ពង់រាបភាគកណ្ដាលវៀតណាម ក្រសួងកសិកម្មនិងអភិវឌ្ឍជនបទវៀតណាម បានសហការជាមួយគណៈ កម្មាធិការប្រជាជនខេត្ត Lam Dong រៀបចំកិច្ចប្រជុំអំពីការអភិវឌ្ឍរបរចិញ្ចឹម ដង្កូវនាងប្រកបដោយចីរភាព។

        នាបច្ចុប្បន្ន ទិន្នផលសូត្រដង្កូវនាងរបស់វៀតណាមឈរលំដាប់ទី៥លើ ពិភពលោក បន្ទាប់ពីចិន ឥណ្ឌា អ៊ូសបេគីស្ថាននិងថៃ។ ប៉ុន្តែ វៀតណាមនៅ តែត្រូវនាំចូលសូត្ររាប់ពាន់តោនពីចិននិងប្រេស៊ីលជារៀងរាល់ឆ្នាំដើម្បីកែច្នៃសម្រាប់ការនាំចេញ។ នេះជាការសាកល្បងធំមួយចំពោះផ្នែកចិញ្ចឹមដង្កូវ នាងវៀតណាម។

        ថ្លែងនៅកិច្ចប្រជុំ អនុរដ្ឋមន្រ្តីក្រសួងកសិកម្មនិងអភិវឌ្ឍជនបទវៀត ណាមលោកPhung Duc Tien បានវាយតម្លៃថា៖

        “ការចញ្ចឹមដង្កូវនាងត្រូវបានដាក់ចូលក្នុងច្បាប់ចិញ្ចឹមសត្វរួចហើយ ព្រមទាំងនៅក្នុងយុទ្ធសាស្ត្រផ្នែកចិញ្ចឹមសត្វក៏មានដង្កូវនាងដែរ។ អាស្រ័យ លើយុទ្ធសាស្ត្រនោះ នាពេលខាងមុខ ក្រសួងកសិកម្មនិងអភិវឌ្ឍជនបទនឹង មានកម្មវិធីទូទៅមួយស្ដីពីការអភិវឌ្ឍផ្នែកដាំមនចញ្ចឹមដង្កូវនាងសម្រាប់ទាំងរយៈពេលខ្លីផងនិងយូរអង្វែងផង។ ក្នុងនោះ នឹងផ្ដោតសំខាន់ទៅលើការ អនុវត្តដំណោះស្រាយវិទ្យាសាស្ត្រ បច្ចេកវិទ្យាដើម្បីស្រាវជ្រាវកូនពូជដោយ ម្ចាស់ការ ដូចនឹងការដែលយើងបានអនុវត្តចំពោះពូជមនក្នុងប៉ុន្មានឆ្នាំកន្លងទៅ”៕