កិច្ចប្រជុំមន្រ្តីជាន់ខ្ពស់អាស៊ានត្រៀមសម្រាប់កិច្ចប្រជុំរដ្ឋមន្ត្រីការបរទេសអាស៊ានលើកទី ៥៤
(VOVWORLD) - នៅថ្ងៃទី ២៩ ខែកក្កដា កិច្ចប្រជុំមន្រ្តីជាន់ខ្ពស់អាស៊ាន (SOM) បានរៀបចំឡើងសម្រាប់ត្រៀមឲ្យកិច្ចប្រជុំរដ្ឋមន្ត្រីការបរទេសអាស៊ានលើកទី ៥៤ (AMM-54)។ អនុរដ្ឋមន្រ្តីការបរទេស Nguyen Quoc Dung ប្រធាន SOM អាស៊ានវៀតណាមបានដឹកនាំគណៈប្រតិភូវៀតណាមចូលរួមកិច្ចប្រជុំនេះ។
 អនុរដ្ឋមន្រ្តីការបរទេស លោក Nguyen Quoc Dung ប្រធាន SOM អាស៊ានវៀតណាមបានថ្លែងនៅក្នុងកិច្ចប្រជុំ (រូបថត៖ baoquocte.vn) |
ថ្លែងមតិនៅឯកិច្ចប្រជុំ អនុរដ្ឋមន្រ្តីលោក Nguyen Quoc Dung បានបញ្ជាក់ជាថ្មីនូវការគាំទ្រនិងការប្តេជ្ញាចិត្តចំពោះរាល់អាទិភាពនិងគំនិតផ្តួចផ្តើមរបស់ប្រទេសប្រធានអាស៊ានឆ្នាំ ២០២១ ព្រុយណេ និងបានសង្កត់ធ្ងន់ថា នៅក្នុងបរិបទនៃការវិវត្តដ៏ស្មុគស្មាញនៃជំងឺរាតត្បាតកូវីដ -១៩ វ៉ាក់សាំងនិងថ្នាំប្រឆាំងវីរុសមានសារៈសំខាន់ក្នុងការការពារនិងគ្រប់គ្រងជំងឺ ហេតុនេះហើយ ប្រទេសអាស៊ានចាំបាច់ត្រូវលើកកម្ពស់ការអនុវត្តផែនការទិញវ៉ាក់សាំងឱ្យបានម៉ឺងម៉ាត់ ព្រមទាំងបង្កើនកិច្ចសហប្រតិបត្តិការជាមួយដៃគូក្នុងការទទួលបានវ៉ាក់សាំង ការផ្គត់ផ្គង់ ការចែក ចាយក៏ដូចជាការចែករំលែកបទពិសោធន៍និងការបង្កើនសមត្ថភាពផលិតវ៉ាក់សាំង។
លោកអនុរដ្ឋមន្រ្តី ក៏បានថ្លែងអំណរគុណចំពោះការគាំទ្ររបស់ប្រទេសនានាលើគំនិតផ្តួចផ្តើម រៀបចំវេទិកាកិច្ចសហប្រតិបត្តិការអនុតំបន់ និងស្នើថា ចាំបាច់ត្រូវពង្រឹងការតភ្ជាប់កិច្ចសហប្រតិបត្តិការអនុតំបន់ជាមួយក្របខ័ណ្ឌនិងកម្មវិធីអភិវឌ្ឍន៍រួមរបស់អាស៊ាន ហើយចាត់ទុកថា នេះជាចំណុចសំខាន់មួយនៃការអនុវត្តចក្ខុវិស័យសហគមន៍អាស៊ាន ២០២៥ ក៏ដូចជាការអភិវឌ្ឍចក្ខុវិស័យក្រោយឆ្នាំ ២០២៥៕