ទិដ្ឋភាពនៅកិច្ចប្រជុំរដ្ឋាភិបាលប្រចាំខែកុម្ភៈ។ (រូបថត៖ TTXVN)

នៅក្នុងកិច្ចប្រជុំនេះ រដ្ឋាភិបាលបានវាយតម្លៃស្ថានភាពសេដ្ឋកិច្ចសង្គមក្នុងខែ កុម្ភៈ និងពីរខែដំបូងនៃឆ្នាំនេះ; ការអនុវត្តកម្មវិធីស្តីពីការស្តារនិងអភិវឌ្ឍសេដ្ឋកិច្ច សង្គម; ការបែងចែកនិងបើកចំណាយទុនវិនិយោគសាធារណៈ; ការអនុវត្តកម្មវិធីគោល ដៅជាតិចំនួន៣; ការកែលម្អបរិយាកាសវិនិយោគ និងអាជីវកម្ម; ភារកិច្ច និងដំណោះ ស្រាយ ដើម្បីអភិវឌ្ឍន៍ទីផ្សារក្នុងស្រុក និងជំរុញការនាំចេញនាពេលខាងមុខ...

លោកនាយករដ្ឋមន្ត្រី Pham Minh Chinh បានស្នើឱ្យសមាជិករដ្ឋាភិបាលវិភាគ យ៉ាងល្អិតល្អន់នូវស្ថានភាពក្នុងតំបន់ និងពិភពលោក និងផលប៉ះពាល់លើស្ថានភាព ក្នុងស្រុក; ព្យាករណ៍ស្ថានភាពក្នុងខែមីនា និងរយៈពេលខាងមុខ; ចង្អុលបង្ហាញពីភាព ងាយស្រួល ឱកាស ជាពិសេសការលំបាក និងបញ្ហាប្រឈម ដើម្បីមានដំណោះ ស្រាយសមស្រប; វាយតម្លៃលទ្ធផលនៃការអភិវឌ្ឍសេដ្ឋកិច្ចសង្គមក្នុងរយៈពេល២ខែ បញ្ហានៅសេសសល់ ការជំពាក់ពំពិននិងការលំបាក; វិភាគអំពីមូលហេតុ មេរៀនបទ ពិសោធន៍ដើម្បីដោះស្រាយការលំបាករបស់អាជីវកម្ម និងប្រជាជន។

យោងតាមរបាយការណ៍របស់ក្រសួងផែនការនិងវិនិយោគ ម៉ាក្រូសេដ្ឋកិច្ចក្នុង ខែកុម្ភៈ នៅតែបន្តរក្សាបាននូវស្ថិរភាព អតិផរណាស្ថិតនៅក្រោមការគ្រប់គ្រង ហើយតុល្យ ភាពសំខាន់ៗត្រូវបានធានា។ ទីផ្សាររូបិយវត្ថុមានស្ថិរភាពជាមូលដ្ឋាន អត្រាការប្រាក់ ផ្ដល់កម្ចីចាប់ផ្តើមមាននិន្នាការថយចុះ។ ដើមទុនវិនិយោគផ្ទាល់ពីបរទេស (FDI) ដែល បានចុះបញ្ជីថ្មីមានសញ្ញាវិជ្ជមាន ដោយ សម្រេចបាន ១,៧៦ ពាន់លានដុល្លារអាមេរិក ក្នុងរយៈពេល ២ ខែ ខ្ពស់ជាង ២,៨ ដងបើធៀបនឹងរយៈពេលដូចគ្នាកាលពីឆ្នាំមុន; ជញ្ជីងពាណិជ្ជកម្មក្នុងខែកុម្ភៈត្រូវបានប៉ាន់ប្រមាណថាមានអតិរេកពាណិជ្ជកម្មចំនួន២,៣ពាន់លានដុល្លារ គិតជាមធ្យមក្នុងរយៈពេល ២ ខែកន្លងមក មានអតិរេកពាណិជ្ជ កម្ម ២,៨២ ពាន់លានដុល្លារ៕