លោកឧត្តមសេនីយឯក Hoang Xuan Chien អនុរដ្ឋមន្ត្រីក្រសួងការពារប្រទេសវៀតណាមចូលរួមកិច្ចប្រជុំ។ (រូបថត៖ qdnd.vn)

កាលពីថ្ងៃទី១៥ មីនា នៅទីក្រុងតូក្យូ ប្រទេសជប៉ុន កិច្ចប្រជុំ អនុរដ្ឋមន្ត្រីការពារ ជាតិនៃសមាគមប្រជាជាតិអាស៊ីអាគ្នេយ៍ (អាស៊ាន) - ជប៉ុន លើកទី ១២ បានបើក ដោយប្រធានបទ “ស្ថានភាពសន្តិសុខក្នុងតំបន់ និងយុទ្ធសាស្ត្រការពារជាតិថ្មី”។

ថ្លែងមតិក្នុងកិច្ចប្រជុំនេះ លោកឧត្តមសេនីយឯក Hoang Xuan Chien អនុរដ្ឋមន្ត្រីក្រសួង ការពារប្រទេសវៀតណាមបានអះអាងថា នៅក្នុងតំបន់កំពុងប្រឈមមុខនឹងបញ្ហាសន្តិសុខ ជាច្រើន ទាំងប្រពៃណីនិងមិនប្រពៃណី ក្នុងនោះគួរឲ្យកត់ សម្គាល់គឺសន្តិសុខនាវា ចរណ៍ ភេរវកម្ម សន្តិសុខតាមអ៊ីនធឺណិត បម្រែបម្រួលអាកាសធាតុ គ្រោះមហន្តរាយ ធម្មជាតិ ជំងឺរាតត្បាត... ដែលបានដាក់ចេញតម្រូវការជៀសមិនរួច ក្នុងការជំរុញកិច្ច សហប្រតិបត្តិការជាក់ស្ដែងរវាងប្រទេសនានា។

សម្រាប់សន្តិសុខនាវាចរណ៍ លោកឧត្តមសេនីយឯក Hoang Xuan Chien បាន សង្កត់ធ្ងន់លើសារៈសំខាន់នៃការបង្កើនកិច្ចខិតខំប្រឹងប្រែងរួមដើម្បីធានាការប្រកាន់ ខ្ជាប់នូវច្បាប់អន្តរជាតិ និងគោលការណ៍នានាក្នុងទំនាក់ទំនងអន្តរជាតិ ក្នុងនោះមាន អនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS ១៩៨២) ការអនុវត្ត យ៉ាងពេញលេញនូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC); ប្រកាន់ខ្ជាប់ និងខិតខំប្រឹងប្រែងរួមគ្នាទប់ស្កាត់ និងគ្រប់គ្រងជម្លោះ ដើម្បី រក្សាសន្តិភាព និងស្ថិរភាពរួមនៃតំបន់។

នៅខាងក្រៅកិច្ចប្រជុំ លោកឧត្តមសេនីយ៍ឯក Hoang Xuan Chien បានជួប ជាមួយ លោកនាយឧត្តមសេនីយ៍ នាង ផាតរដ្ឋលេខាធិការប្រចាំការនៃក្រសួងការពារ ជាតិកម្ពុជា៕