ទិដ្ឋភាពសន្និសីទ។ រូបថត៖ VOV

ព័ត៌មាននេះ ត្រូវបាននាំចេញក្នុងសិក្ខាសាលា “កិច្ចព្រមព្រៀង UKVFTA-ពាណិជ្ជកម្មបៃតងនិងយុត្តិធម៌ចំពោះវៀតណាម” ដែលត្រូវបានរៀបចំឡើងដោយក្រសួងឧស្សាហកម្ម ពាណិជ្ជកម្ម និងស្ថានទូតអង់គ្លេសនៅវៀតណាម នារសៀលថ្ងៃទី ៧ មីនា នៅទីក្រុងហាណូយ។

បន្ទាប់ពីកិច្ចព្រមព្រៀង UKVFTA បានចូលជាធរមានចាប់ពីថ្ងៃទី១ ខែឧសភាឆ្នាំ២០២១មក  អង់គ្លេសបានលុបចោលពន្ធជាង ៨៥% លើទំនិញរបស់វៀតណាម។ លោកស្រី Nguyen Khanh Ngoc អនុប្រធាននាយកដ្ឋានអឺរ៉ុប-អាមេរិក នៃក្រសួងឧស្សាហកម្ម ពាណិជ្ជកម្មបានឲ្យដឹងថា គុណសម្បត្តិពីកិច្ចព្រមព្រៀង UKVFTA រួមជាមួយគោលនយោបាយផ្លាស់ប្តូរយ៉ាងខ្លាំងក្លាទៅជាសេដ្ឋកិច្ចបៃតងប្រកបដោយនិរន្តរភាពរបស់អង់គ្លេស នឹងបើកចេញឱកាសដ៏ធំធេងសម្រាប់សហគ្រាសវៀតណាម៖ “អង់គ្លេសមានប្រៀបខ្លាំងខាងបច្ចេកវិទ្យានិងថាមពលកកើតឡើងវិញ បានយកចិត្តទុកដាក់វិនិយោគនៅវៀតណាម។ ការបង្កើនការវិនិយោគរបស់អង់គ្លេសក៏មានន័យថា ការនាំចូលទំនិញវៀតណាមអាចនឹងកើនឡើងដែរ។ ទោះជាយ៉ាងណាក៏ដោយ សហគ្រាសវៀតណាមក៏ត្រូវយកចិត្តទុកដាក់ដើម្បីបំពេញតាមស្តង់ដារទំនិញ និងបរិស្ថានផងដែរ”។

នាបច្ចុប្បន្ន ចក្រភពអង់គ្លេសកំពុងជាដៃគូធំទី ១៥ ក្នុងចំណោមប្រទេសនិងតំបន់ដែនដីចំនួន ១៤១ ដែលវិនិយោគនៅវៀតណាម ដោយផ្តោតលើវិស័យមួយចំនួនដូចជា៖ ថាមពលកកើតឡើងវិញ ហិរញ្ញវត្ថុ ធនាគារ និងប្រេងរ៉ែ៕