ទំនិញកាត់ដេរសម្រាប់នាំចេញទៅទីផ្សារជប៉ុននៅក្រុមហ៊ុនកាត់ដេរ Hung Viet ស្រុក Yen My ខេត្ត Hung Yen (រូបថត៖ Tran Viet - TTXVN)

យោងតាមអគ្គនាយកដ្ឋានស្ថិតិ  ចំនួនសហគ្រាសដែលបានចុះឈ្មោះបង្កើតថ្មី និងវិលត្រលប់មកប្រតិបត្តិការវិញក្នុងរយៈពេល ៧ ខែកន្លងមកនេះ ឈានដល់ ១៣៣.៧ ពាន់សហគ្រាស កើនឡើង ២៦,៨% បើធៀបនឹងរយៈពេលដូចគ្នាកាលពីឆ្នាំមុន។ វិស័យមួយក្នុងចំណោមវិស័យដែលមានការរីកចម្រើនក្នុងប៉ុន្មានខែថ្មីៗនេះ គឺវិស័យវាយនភណ្ឌនិងកាត់ដេរ នៅពេលដែលការនាំចេញក្នុងរយៈពេល ៦ ខែសម្រេចបាន ២២,៣ ពាន់លានដុល្លារ កើនឡើងប្រហែល ២៣% បើធៀបនឹងរយៈពេលដូចគ្នាកាលពីឆ្នាំមុន។ អង្គភាពអាជីវកម្មជាច្រើនកំណត់យ៉ាងច្បាស់នូវទិសដៅវិនិយោគរបស់ខ្លួន ដើម្បីសម្របខ្លួនទៅនឹងបម្រែបម្រួលទីផ្សារ។ លោក Do Van Ve ប្រធានសមាគមធុរកិច្ចខេត្ត Thai Binh អនុប្រធានក្រុមហ៊ុន Huong Sen Group បានឲ្យដឹងថា៖ “សម្រាប់អង្គភាពអាជីវកម្ម ក៏ត្រូវគិតគូរធ្វើការវិនិយោគលើវិស័យចាំបាច់ ពោលគឺអ្វីដែលមិនចាំបាច់ ត្រូវតែផ្អាកសិន ព្រោះការប្រែប្រួលនៃអត្រាប្តូរប្រាក់ និងការប្រែប្រួលរូបិយប័ណ្ណបរទេសមានភាពស្មុគស្មាញ និងមិនអាចទាយទុកជាមុនបាន។ យើងត្រូវជ្រើសរើសទីផ្សារត្រឹមត្រូវដើម្បីនាំចេញទំនិញ។ ទន្ទឹមនឹងនោះ រៀបចំរចនាសម្ព័ន្ធអាជីវកម្មឡើងវិញ ដើម្បីសន្សំសម្ចៃរាល់ការចំណាយ ដែលមានសក្តានុពលសម្រាប់ការអភិវឌ្ឍន៍បន្ថែមទៀត”។

ក្នុងបរិបទនៃស្ថានការណ៍ប្រែប្រួលនាពេលបច្ចុប្បន្ន សហគ្រាសក៏ត្រូវធ្វើសកម្មភាពច្នៃប្រឌិត និងបង្កើនប្រសិទ្ធភាពនៃការគ្រប់គ្រងផងដែរ។ ទន្ទឹមនឹងនេះ ជំរុញការពង្រីកការបណ្តាក់ទុនរួមគ្នា ដើម្បីចូលរួមក្នុងខ្សែសង្វាក់ ដែលតាមរយៈនោះអាជីវកម្មអាចគាំទ្រ និងជួយគ្នាទៅវិញទៅមក៕