នាយករដ្ឋមន្រ្តីនៃកម្ពុជា សម្តេចតេជោហ៊ុនសែន អញ្ជើញទទួលជួបជាមួយរដ្ឋមន្ត្រីការបរទេសចិន លោក វ៉ាងយីនៅទីក្រុងភ្នំពេញនាថ្ងៃទី ១២ ខែកញ្ញាឆ្នាំ ២០២១ (រូបថត៖ THX)

ក្នុងជំនួបជាមួយរដ្ឋមន្ត្រីការបរទេសចិនវ៉ាងយីដែលកំពុងបំពេញទស្សនកិច្ចផ្លូវការនៅព្រះរាជា ណាចក្រកម្ពុជាអំឡុងពេលពីរថ្ងៃ ១២-១៣ ខែកញ្ញា សម្តេច តេជោ ហ៊ុនសែន នាយករដ្ឋមន្រ្តីនៃកម្ពុជាបានបញ្ជាក់ថា កម្ពុជាត្រៀមរួចជាស្រេច សហការជាមួយចិនដើម្បីជំរុញទំនាក់ទំនងទ្វេភាគីឲ្យកាន់តែខ្លាំងក្លាថែមទៀត។

ចំណែកខ្លួនវិញ លោករដ្ឋមន្ត្រីការបរទេសចិន វ៉ាងយី បានបញ្ជាក់ថា ចិនត្រៀមជាស្រេចក្នុងការជំរុញកិច្ចសហប្រតិបត្តិការដែលមានផលប្រយោជន៍ទៅវិញទៅមកជាមួយកម្ពុជា ព្រមទាំងបានសន្យាផ្តល់វ៉ាក់សាំងនិងឧបករណ៍វេជ្ជសាស្ត្របន្ថែមទៀតដើម្បីជួយប្រទេសកម្ពុជាក្នុងការទប់ស្កាត់ជំងឺរាតត្បាត។ លោកវ៉ាងយី ក៏បានសម្តែងក្តីសង្ឃឹមថា ចិននិងប្រទេសជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) អាចបញ្ចប់ការពិគ្រោះយោបល់លើក្រមប្រតិបត្តិសម្រាប់ភាគីនានានៅសមុទ្រខាងកើត (COC) នៅឆ្នាំ ២០២២។

សូមគូសបញ្ជាក់ថា លោក វ៉ាងយី កំពុងមានដំណើរទស្សនកិច្ចនៅប្រទេសអាស៊ីចំនួន ៤ ប្រទេស។ កម្ពុជាគឺជាចំណតទី ២ បន្ទាប់ពីវៀតណាម។ បន្ទាប់ពីប្រទេសកម្ពុជាលោក វ៉ាងយី នឹងធ្វើទស្សនកិច្ចនៅសិង្ហបុរីនិងកូរ៉េខាងត្បូង៕