សម្ដេចនាយករដ្ឋមន្រ្តី ហ៊ុន សែន

ពិធីបើកការដ្ឋានសាងសង់ផ្លូវល្បឿនលឿនតភ្ជាប់ពីរាជធានីភ្នំពេញ-ក្រុងបាវិត ជាប់ច្រកទ្វារព្រំដែនម៉ុកបៃ ខេត្តតៃនិញរបស់វៀតណាម បានប្រព្រឹត្តិទៅនាព្រឹកថ្ងៃទី៧ មិថុនា នៅខេត្តកណ្តាល។

អញ្ជើញថ្លែងក្នុងពិធីនេះ សម្ដេចនាយករដ្ឋមន្រ្តី ហ៊ុន សែន បានសង្កត់ធ្ងន់លើតួនាទីសំខាន់នៃផ្លូវល្បឿនលឿនភ្នំពេញ-បាវិត ដែលជាខ្សែផ្លូវសសៃឈាមនៃខឿនសេដ្ឋកិច្ចកម្ពុជា។ គម្រោងនេះ មានទុនវិនិយោគសរុបប្រមាណ ១,៣៥ ពាន់លានដុល្លារអាមេរិក ក្នុងទម្រង់សាងសង់-ប្រតិបត្តិការ-ផ្ទេរ (BOT) ដើម្បីបង្កើនការតភ្ជាប់ និងជំរុញការអភិវឌ្ឍសេដ្ឋកិច្ច-សង្គមរបស់កម្ពុជា ជាពិសេសគឺសកម្មភាពនាំចេញ នាំចូល ពាណិជ្ជកម្ម និងទេសចរណ៍រវាងប្រទេសទាំងពីរ កម្ពុជា-វៀតណាម និងប្រទេសនានាក្នុងតំបន់។ តាមការរចនា ផ្លូវល្បឿនលឿនភ្នំពេញ-បាវិត មានទទឹង ២៥,៥ ម៉ែត្រ ជាមួយ ៤ គន្លង ចំណុចចាប់ផ្តើមគឺផ្លូវក្រវ៉ាត់ក្រុងទី ៣ ក្នុងរាជធានីភ្នំពេញ ឆ្លងតាមខេត្តកណ្តាល ព្រៃវែង ខេត្តស្វាយរៀង និងបញ្ចប់នៅក្រុងបាវិត ខេត្តស្វាយរៀង ជាប់ព្រំដែនប្រទេសវៀតណាម ដែលមានប្រវែងសរុប ១៣៥,១ គីឡូម៉ែត្រ៕