គ្រាប់កាំភ្លើងធំបានធ្លាក់ចូលទៅក្នុងតំបន់ទ្រនាប់ខាងជើងនៃខ្សែបន្ទាត់ព្រំដែនខាងជើង (NLL) ដែលជាព្រំដែនសមុទ្រជាក់ស្តែងរវាងកូរ៉េខាងត្បូង និងកូរ៉េខាងជើង ដែលត្រូវបានបង្កើតឡើងក្រោមសន្ធិសញ្ញាយោធាអន្តរកូរ៉េ ដែលបានចុះហត្ថលេខាកាលពីថ្ងៃទី ១៩ ខែកញ្ញា ឆ្នាំ ២០១៨ ដើម្បីកាត់បន្ថយភាពតានតឹងរវាងភាគីទាំងពីរ។ ការបាញ់កាំភ្លើងធំបានកើតឡើងមួយថ្ងៃបន្ទាប់ពីកងទ័ពកូរ៉េខាងត្បូងបានប្រកាសធ្វើសមយុទ្ធបាញ់គ្រាប់ពិតជាមួយសហរដ្ឋអាមេរិក នៅជិតព្រំដែនជាមួយកូរ៉េខាងជើងដើម្បីបង្កើនការត្រៀមខ្លួនប្រយុទ្ធ។

ភ្លាមៗបន្ទាប់ពីឧបទ្ទវហេតុនេះ កូរ៉េខាងត្បូងបានចេញបទបញ្ជាជម្លៀសប្រជាជននៅកោះព្រំដែនភាគខាងលិចចំនួនពីរគឺ Yeonpyeong និង Baengnyeong ហើយបានព្រមានថា ខ្លួននឹងចាត់វិធានការសមស្រប។

យោងតាមអគ្គសេនាធិការកងទ័ពចម្រុះកូរ៉េខាងត្បូង មិនទាន់មានរបាយការណ៍អំពីការខូចខាតដែលបណ្តាលមកពីការបាញ់កាំភ្លើងធំនេះ ចំពោះប្រជាជននិងកងទ័ពកូរ៉េខាងត្បូងនោះទេ។ យោងតាមអាជ្ញាធរកូរ៉េខាងត្បូង កងទ័ពប្រទេសនេះគ្រោងនឹងធ្វើសមយុទ្ធបាញ់គ្រាប់ពិតនៅលើកោះព្រំដែនភាគពាយ័ព្យក្នុងសមុទ្រលឿងនៅថ្ងៃថ្ងៃទី ៥ ខែមករា បន្ទាប់ពីការបាញ់កាំភ្លើងធំរបស់ប្រទេសកូរ៉េខាងជើង៕