បេសកជនពិសេសរបស់អ.ស.បទទួលបន្ទុកបញ្ហាយេម៉ែនលោក Cheikh Ahmedថ្លែងមតិនៅសន្និសីទកាសែតនៅ Kuwait នាថ្ងៃទី២៦ មេសា (រូបថត៖AFP/TTXVN)

(VOVworld) - នាថ្ងៃទី៣០ មេសា នៅប្រទេស Kuwait បណ្ដាភាគីប្រឆាំងគ្នានៅ
យេម៉ែនបានចាប់ផ្ដើមជំនួបចរចារផ្ទាល់អំពីបញ្ហាសំខាន់ៗក្នុងការខំប្រឹងប្រែងបញ្ចប់
សង្គ្រាមស៊ីវិលដែលអូសបន្លាយក្នុងអំឡុង១៣ខែកន្លងទៅនៅប្រទេសអារ៉ាប់នេះ។
បញ្ហាសំខាន់ៗពោលខាងលើរួមមានការដកចេញក្រុមប្រដាប់អាវុធ ផ្ទេរប្រគល់
សព្វាវុធទម្ងន់ធ្ងន់ តភ្ជាប់ឡើងវិញនូវដំណើរការផ្ទេរប្ដូរនយោបាយ និងដោះលេង
ឈ្លើយសិក។បេសកជនពិសេសរបស់អ.ស.បទទួលបន្ទុកបញ្ហាយេម៉ែនលោក
Cheikh Ahmed ចាត់ទុកនេះជាការចាប់ផ្ដើមគួរឲ្យលើកទឹកចិត្ត។ប៉ុន្តែ លោក Ahmed
 បានសង្កត់ធ្ងន់ថា នៅមានការសាកល្បងជាច្រើននៅខាងមុខ។
តាមការស្ថិតិថ្មីបំផុតរបស់អ.ស.ប គិតតាំងពីខែកញ្ញាឆ្នាំ២០១៤មក សង្គ្រាមស៊ីវិល
នៅយេម៉ែនបានបណ្ដាលឲ្យមនុស្សជាង៦ពាន់៨រយនាក់ស្លាប់ ក្នុងនោះភាគច្រើន
 គឺជនស៊ីវិល ហើយមនុស្សចំនួន៣៥ពាន់នាក់ទៀតរងរបួស ព្រមទាំងចាប់បង្ខំឲ្យ
 មនុស្ស២លាននាក់ត្រូវភៀសខ្លួន៕