ជាងពាក់កណ្តាលនៃការនាំចេញរបស់វៀតណាមទៅកាន់អាមេរិកគឺជាផលិតផលបច្ចេកវិទ្យាខ្ពស់ (ឧបករណ៍អេឡិចត្រូនិក ស្មាតហ្វូន) សម្លៀកបំពាក់ និងស្បែកជើង ហើយនៅសល់គឺជាផលិតផលផ្សេងទៀតដូចជាគ្រឿងសង្ហារឹមនិងផលិតផលកសិកម្ម។

រូបថត៖ Đ.T/baodautu.vn

អាមេរិកគឺជាគោលដៅសំខាន់សម្រាប់ទំនិញវៀតណាម ក្នុងរយៈពេលជាច្រើនឆ្នាំជាប់ៗគ្នា។ កាលពីឆ្នាំ២០២៣ ទោះបីជារងផលប៉ះពាល់ជាច្រើនពីវិបត្តិសេដ្ឋកិច្ច អតិផរណា និងប្រជាជនរឹតបន្តឹងការចំណាយក៏ដោយ ក៏វៀតណាមនៅតែនាំចេញទំនិញជិត ៩៧ ពាន់លានដុល្លារទៅកាន់អាមេរិក។ ជាមួយនឹងទំនិញនាំចេញមានតម្លៃជិត ១១០ ពាន់លានដុល្លារអាមេរិកនិង ៩៧ ពាន់លាន ដុល្លារអាមេរិក ក្នុងរយៈពេល ២ ឆ្នាំកន្លងទៅ (២០២២ - ២០២៣) អាមេរិកបានក្លាយជាទីផ្សារនាំចេញដំបូងគេដែលឈានដល់កម្រិត ១០០ពាន់លានដុល្លារក្នុងមួយឆ្នាំ ហើយរក្សាឋានៈជាទីផ្សារនាំចេញដ៏ធំបំផុតរបស់វៀតណាម។

ពាណិជ្ជកម្មទ្វេភាគីរវាងវៀតណាមនិងអាមេរិកបានកើនឡើង ៣០០ដង ពីកម្រិត ៤៥០លានដុល្លារអាមេរិកក្នុងឆ្នាំ ១៩៩៥ ឡើងដល់ ១២៤ ពាន់លាន ដុល្លារនៅចុងឆ្នាំ ២០២២។ ជាមួយនឹងព្រឹត្តិការណ៍ដំឡើងទំនាក់ទំនងវៀតណាម - អាមេរិកទៅជាដៃគូយុទ្ធសាស្ត្រលើគ្រប់ជ្រុងជ្រោយនៅខែកញ្ញា ឆ្នាំ ២០២៣ ការអនុវត្តសសរស្តម្ភនៃកិច្ចសហប្រតិបត្តិការលើវិស័យជាច្រើន គឺជាមូលដ្ឋានគ្រឹះសម្រាប់ពាណិជ្ជកម្មទ្វេភាគីឱ្យឈានដល់កម្រិត ២០០ ពាន់លានដុល្លារក្នុងពេលឆាប់ៗនេះ៕