ការបញ្ចាំងភាពយន្ត និងកម្មវិធីជជែកកម្សាន្តស្តីពីធាតុគីមីពុលពណ៌លឿងទុំ នាយប់ថ្ងៃទី ១០ ខែកុម្ភៈ នៅទីក្រុង Choisy-le-Roi។ (រូបថត៖ Nguyen Thu Ha/TTXVN)

 ខ្សែភាពយន្តឯកសារ "ជាតិគីមីពុលព័ណ៌លឿងទុំ - គ្រាប់បែកដែលផ្ទុះយឺត” ផលិតដោយអ្នកដឹកនាំរឿង Ho Thuy Tien និង Laurent Lindebrings កាលពីឆ្នាំ ២០១៣ ត្រូវបានចាក់បញ្ចាំងនាយប់ថ្ងៃទី ១០ ខែកុម្ភៈ នៅរោងភាពយន្ត Paul Eluard ទីក្រុង Choisy-le-Roi  ជាយក្រុងប៉ារីស បានទាក់ទាញប្រជាជនក្នុងស្រុកយ៉ាងច្រើនកុះករ។ ការបញ្ចាំងភាពយន្តបានបញ្ចប់ដោយការផ្លាស់ប្តូរនិងចែករំលែកមតិជាមួយលោកស្រី Tran To Nga អាណិកជន វៀតណាមមួយរូប និងជាជនរងគ្រោះដោយជាតិគីមីពុលពណ៌លឿងទុំ/ឌីអុកស៊ីននៅវៀតណាម អំពីឥទ្ធិពលនៃសារធាតុពុលបំផ្លិចបំផ្លាញ ចំពោះសុខភាពនិងបរិស្ថាន។

ថ្លែងមតិនៅទីនេះ អភិបាលទីក្រុង Choisy-le-Roi លោក Tonino Panetta បានមានប្រសាសន៍ថា ការចាក់បញ្ចាំងខ្សែភាពយន្តនេះ សំដៅលើកតំកើងការតស៊ូផ្លូវច្បាប់របស់លោកស្រី Tran To Nga និងជាការគាំទ្រដែលទីក្រុង Choisy-le-Roi ចង់ឧទ្ទិសជូនចំពោះលោកស្រី ក៏ដូចជាជនរងគ្រោះដោយជាតិគីមីពុលពណ៌លឿងទុំ/ឌីអុកស៊ីននៅវៀតណាមផងដែរ។ តាមរយៈព្រឹត្តិការណ៍នេះ លោកក៏ចង់ឲ្យប្រជាជនទីក្រុងបានយល់ដឹងយ៉ាងច្បាស់លាស់ថា សង្គ្រាមមិនមែនជាដំណោះស្រាយតែមួយគត់ សម្រាប់បញ្ហានោះទេ។ បើទោះបីឈ្នះឬចាញ់ក៏ដោយ ចុងបញ្ចប់នៃសង្គ្រាមទាំងអស់នឹងជាគ្រោះមហន្តរាយតែប៉ុណ្ណោះ ហើយសម្រាប់ប្រទេសវៀតណាម គឺជាគ្រោះមហន្តរាយនៃសារធាតុគីមីពុលពណ៌លឿងទុំ/ឌីអុកស៊ីន៕