មឈូសរបស់ជនរងគ្រោះត្រូវបានសម្លាប់នៅក្នុងការផ្ទុះនៅទីក្រុង Negombo ប្រទេសប្រទេសស្រីលង្កា (រូបថត AFP / ទីភ្នាក់ងារសារព័ត៌មានវៀតណាម)

តាម អ្នកនាំពាក្យប៉ូលិសស្រីលង្កាលោក Ruwan Gunasekera បាននិយាយថា មានមនុស្សប្រមាណ ៥០០ នាក់ ត្រូវរងរបួសក្នុងការបំផ្ទុះផ្ទួនគ្នានេះ។ គិតដល់ថ្ងៃទី ២៣ ខែមេសា កងកម្លាំងមានសមត្ថកិច្ចបានចាប់ឃុំខ្លួនជនជាប់សង្ស័យចំនួន ៤០ នាក់ ដែលក្នុងនោះភាគច្រើនគឺជនជាតិស្រីលង្កា។

កាលពីថ្ងៃទី ២២ ខែមេសា ក្រុមប្រឹក្សាសន្តិសុខអង្គការសហប្រជាជាតិបានថ្កោលទោសយ៉ាងដាច់អហង្ការចំពោះការវាយប្រហារភេរវកម្មទាំងនេះនៅស្រីលង្កា។ ក្នុងសេចក្តីប្រកាសមួយ ក្រុមប្រឹក្សាសន្តិសុខនៃអង្គការសហប្រជាជាតិបានលើកច្បាស់ថាចាំបាច់ត្រូវនាំជនល្មើស អង្គការចាត់តាំង ផ្ដល់ជំនួយហិរញ្ញវត្ថុ និងគាំទ្រសកម្មភាពភេរវកម្មទាំងនេះទៅជំនុំជម្រះចំពោះមុខច្បាប់។

ក្នុងពេលនេះ អ្នកនាំពាក្យសេតវិមានលោក Hogan Gidley បាននិយាយថា នាថ្ងៃទី ២២ ខែមេសាប្រធានាធិបតីអាមេរិក លោក Donald Trump បានហៅការវាយប្រហារទាំងនេះនៅស្រីលង្កាគឺជា អំពើភេរវកម្មដ៏បង្ហូរឈាមច្រើនបំផុត តាំងពីបណ្ដាការវាយប្រហារភេរវកម្មនាថ្ងៃទី ១១ ខែកញ្ញា ឆ្នាំ ២០០១ នៅអាមេរិក។ នៅក្នុងការសន្ទនាតាមទូរសព្ទជាមួយនាយករដ្ឋមន្ត្រីស្រីលង្កាលោក Ranil Wickremesinghe នោះ លោកប្រធានាធិបតីអាមេរិកបានសន្យានឹងជួយស្រីលង្កា ស៊ើបអង្កេត និង ចាប់ជនល្មើសផងដែរ៕