តំបន់ មានជម្លោះរវាងអាមេនីនិងអាហ្សែបែហ្សង់ (ក្រាហ្វិក៖ SETI)

នាថ្ងៃទី ២៩ ខែកញ្ញា បារាំងបានអំពាវនាវឱ្យមានការពិភាក្សា រវាងក្រុម Minsk ដែលដឹកនាំដោយ រុស្ស៊ី បារាំង និងសហរដ្ឋអាមេរិក ធ្វើជាអាជ្ញាកណ្ដាលសម្រុះសម្រួលរវាងអាមេនីនិងអាហ្សែបៃហ្សង់ ដើម្បីស្វែង រកវិធីដោះស្រាយជម្លោះ ដែលកំពុង កើនឡើងរវាងប្រទេសទាំងពីរ។ ក្នុងពេលនោះ អធិការបតីអាល្លឺម៉ង់ លោកស្រី  Angela Merkel បានធ្វើកិច្ចសន្ទនាតាមទូរស័ព្ទ ដោយឡែកជាមួយមេដឹកនាំអាមេនី និងអាហ្សែបែហ្សង់នៅថ្ងៃទី ២៨ និង ២៩ ខែកញ្ញា ដោយអំពាវនាវឱ្យបញ្ឈប់ជាបន្ទាន់នូវការប្រយុទ្ធគ្នានៅក្នុងតំបន់ដី Nagorny – Karabakh ព្រមទាំងជំរុញឲ្យមានបឈប់បាញមួយ។ ទន្ទឹមនឹងនេះ អ្នកនាំពាក្យរបស់ប្រធានាធិបតីរុស្ស៊ីលោក Dmitry Peskov និង រដ្ឋមន្ត្រីការបរទេសអាមេរិក លោក Mike Pompeo ក៏បានអំពាវនាវឲ្យភាគីទាំងពីរបញ្ឈប់ការប្រយុទ្ធគ្នានៅតំបន់ដី Nagorny – Karabakh ហើយវិលប្រឡប់មកតុចរចាវិញឲ្យបានឆាប់ៗផងដែរ៕