ក្រុមការងារជួយសង្គ្រោះកងទ័ពប្រជាជនវៀតណាមសម្រេចរួចរាល់ភារកិច្ចនៅទួរគីប្រកបដោយជោគជ័យជាផ្លែផ្កា
(VOVWORLD) - ក្នុងអំឡុងពេលចាប់ពីថ្ងៃទី ១៣ ដល់ថ្ងៃទី ២២ កុម្ភៈ នៅខេត្ត Hatay កងកម្លាំងកងទ័ពប្រជាជនវៀតណាមបានរៀបចំការស្វែងរកជួយសង្គ្រោះនៅទីតាំងចំនួន ៣១ រកឃើញទីតាំងចំនួន ១៥ ដែលមានមនុស្សកប់ក្នុងគំនរបាក់បែក ក្នុងនោះមានទីតាំងចំនួន ២ ដែលមានសញ្ញាមនុស្សរស់រានមានជីវិត។
 រុមការងារជួយសង្គ្រោះកងទ័ពប្រជាជនវៀតណាមសម្រេចរួចរាល់ភារកិច្ចនៅទួរគីប្រកបដោយជោគជ័យជាផ្លែផ្កា |
នារសៀលថ្ងៃទី ២២ ខែកុម្ភៈ (ម៉ោងក្នុងតំបន់) ក្រុមការងារជួយសង្គ្រោះកងទ័ពប្រជាជនវៀតណាមបានធ្វើមាតុភូមិនិវត្តន៍ បញ្ចប់បេសកកម្មចូលរួមជួយជំនះពុះពារលើផលវិបាក ដោយគ្រោះរញ្ជួយដីនៅទួរគី។ អញ្ជើញថ្លែងមតិក្នុងពិធីជូនដំណើរក្រុមការងារ នៅអាកាសយានដ្ឋាន Hatay ក្នុងទីក្រុង Antakya ខេត្ត Hatay ទួរគី លោកឯកអគ្គរដ្ឋទូតវៀតណាមប្រចាំនៅទួរគី Do Son Hai បានសង្កត់ធ្ងន់ថា ការដែលវៀតណាមបានចាត់បញ្ជូនកងកម្លាំងទៅជួយសង្គ្រោះ នៅ ទួរគីក្នុងរយៈពេលប៉ុន្មានថ្ងៃកន្លងទៅ បានរួមចំណែកពង្រឹងទំនាក់ទំនងទ្វេភាគីរវាងប្រទេសទាំងពីរ។ ក្រុមការងារវៀតណាមបានជំនះពុះពារលើការលំបាក និងគ្រោះថ្នាក់ជាច្រើន សកម្មជួយសង្គ្រោះប្រជាជនទួរគីជំនះពុះពារលើផលវិបាកនៃការរញ្ជួយដី ហើយត្រូវបានប្រជាជន អាជ្ញាធរមូលដ្ឋាន និង កម្លាំងជួយសង្គ្រោះអន្តរជាតិផ្សេងៗទៀតជឿទុកចិត្ត និងវាយតម្លៃខ្ពស់។
សូមបញ្ជាក់ដែរ ក្នុងអំឡុងពេលចាប់ពីថ្ងៃទី ១៣ ដល់ថ្ងៃទី ២២ កុម្ភៈ នៅខេត្ត Hatay កងកម្លាំងកងទ័ពប្រជាជនវៀតណាមបានរៀបចំការស្វែងរកជួយសង្គ្រោះនៅទីតាំងចំនួន ៣១ រកឃើញទីតាំងចំនួន ១៥ ដែលមានមនុស្សកប់ក្នុងគំនរបាក់បែក ក្នុងនោះមានទីតាំងចំនួន ២ ដែលមានសញ្ញាមនុស្សរស់រានមានជីវិត។ ក្រៅពីនោះ ក្រុមការងារបានសម្របសម្រួលជាមួយក្រុមការងារជួយសង្គ្រោះរបស់បារ៉ែន និងម៉ិកស៊ិកដើម្បីជួយសង្គ្រោះជនរងគ្រោះដោយគ្រោះរញ្ជួយដី។ ក្រុមកងគ្រូពេទ្យទ័ពបានពិនិត្យសុខភាព និងផ្ដល់ថ្នាំសង្កូវជូនបុគ្គិលជួយសង្គ្រោះចំនួន ៧ នាក់ របស់បណ្ដាប្រទេសដែលជួបគ្រោះថ្នាក់ក្នុងពេលបំពេញបេសកកម្ម។ ក្នុងអំឡុងពេលបំពេញបេសកកម្ម ថ្នាក់ដឹកនាំក្រុមការងារវៀតណាម បានទៅសួរសុខទុក្ខ និងផ្លាស់ប្តូរបទពិសោធន៍ជួយសង្គ្រោះ ជាមួយក្រុមជួយសង្គ្រោះអន្តរជាតិចំនួន ៩ ក្រុម ក្នុងនោះមានចិន ឥណ្ឌា អ៊ីតាលី និងប៉ាគីស្ថានផងដែរ៕