រូបថតៈ Reuters

នៅក្នុងសេចក្តីថ្លែងការណ៍មួយ អ្នកនាំពាក្យរបស់ក្រុម Hamas លោក Fawzi Barhoum បានឲ្យដឹងថា កិច្ចខិតខំប្រឹងប្រែងរបស់ភាគីទាំងសងខាងត្រូវបានចាប់ផ្តើម ចាប់តាំងពីពេល កើនឡើងនៃភាពតានតឹង និងអ៊ីស្រាអ៊ែលវាយឆ្មក់ Gaza តាមផ្លូវអាកាស។ សេចក្តីថ្លែងការ ណ៍បាននិយាយអំពីកិច្ចព្រមព្រៀងឈប់បាញ់ ត្រូវបានសម្រេចដោយមានការគាំទ្រពីប្រទេស អេហ្ស៊ីប ដើម្បីជួយស្ដារនូវស្ថេរភាពនិងបញ្ចប់ភាពតានតឹង។

ចំណែកឯ នៅក្នុងសេចក្តីថ្លែងការណ៍មួយផ្សេងទៀតរបស់ ក្រុមប៉ាឡេស្ទីន ជីហាដ ក៏បាននិយាយផងដែរថា ភាគីទាំង២បានសម្រេចកិច្ចព្រមព្រៀងឈប់បាញ់។ ទោះជាយ៉ាងណាក៏ដោយ អ្នកនាំពាក្យរបស់ការិយាល័យនាយករដ្ឋមន្ត្រី អ៊ីស្រាអែល មិនទាន់បានធ្វើអត្ថា ធិប្បាយជាផ្លូវការនៅឡើយទេ។ មន្ត្រីយោធា អ៊ីស្រាអែល ម្នាក់បាននិយាយថាមានតែស្ថាន ភាពពិតជាក់ស្តែងប៉ុណ្ណោះ ទើបអាចកំណត់បានប្រតិកម្មបន្ទាប់របស់ប្រទេសនេះនាពេលអនាគត៕