លោកឯកអគ្គរដ្ឋទូត Pham Hai Anh អនុប្រធានស្ថានបេសកកម្មអចិន្រ្តៃយ៍វៀតណាមប្រចាំនៅអង្គការសហប្រជាជាតិ

អញ្ជើញថ្លែងនៅក្នុងកិច្ចប្រជុំនេះ លោកឯកអគ្គរដ្ឋទូត Pham Hai Anh អនុប្រធានស្ថានបេសកកម្មអចិន្រ្តៃយ៍វៀតណាមប្រចាំនៅអង្គការសហប្រជាជាតិបានចែករំលែកការព្រួយបារម្ភអំពីការរំលោភបំពានលើកិច្ចព្រមព្រៀងស្តីពីការដកកងកម្លាំង ដែលនៅតែប្រព្រឹត្តិទៅក្នុងរយៈពេលកន្លងទៅ។ លោក ឯកអគ្គរដ្ឋទូត Pham Hai Anh បានអំពាវនាវឱ្យភាគីទាក់ទិននានា អត់ធ្មត់ និងគោរពរាល់កិច្ចព្រមព្រៀងទាក់ទិន ច្បាប់អន្តរជាតិ និងរាល់សេចក្ដីសម្រេចចិត្តរបស់ក្រុមប្រឹក្សាសន្តិសុខ សំដៅរក្សាសន្តិភាពនិងស្ថិរភាពក្នុងតំបន់។ លោកឯកអគ្គរដ្ឋទូតបានសម្តែងការគាំទ្រចំពោះប្រតិបត្តិការរបស់ក្រុមអ្នកសង្កេតការណ៍នៃអង្គការសហប្រជាជាតិប្រចាំនៅតំបន់ខ្ពង់រាប Golan (UNDOF) ក្នុងការកាត់បន្ថយភាពតានតឹង រវាងភាគីទាក់ទិននានា ដោយសង្កត់ធ្ងន់ទៅលើសារៈសំខាន់ក្នុងការបង្ករលក្ខណៈងាយស្រួលសម្រាប់ប្រតិបត្តិការនិងធានាសុវត្ថិភាព សន្តិសុខសម្រាប់កងកម្លាំងរក្សាសន្តិភាពនៃអង្គការសហប្រជាជាតិនៅទីនេះ។

នាថ្ងៃដែល អញ្ជើញថ្លែងមតិនៅក្នុងសម័យប្រជុំរបស់ក្រុមប្រឹក្សាសន្តិសុខនៃអង្កការសហប្រជាជាតិស្ដីពីស្ថានភាពនៅម៉ាលីនោះ ឯកអគ្គរដ្ឋទូតលោក Dang Dinh Quy ប្រធានស្ថានបេសកកម្មអចិន្រ្តៃយ៍វៀតណាមប្រចាំនៅអង្គការសហប្រជាជាតិបានសម្តែងការព្រួយបារម្ភចំពោះការវិវឌ្ឍនាពេលថ្មីៗនេះ នៅម៉ាលី ហើយចាត់ទុកថារដ្ឋប្រហារបានបង្កហានិភ័យដល់ ដំណើរការអន្តរកាល បង្កអស្ថិរភាព ក៏ដូចជាបង្ករការលំបាកថែមទៀតក្នុងការអនុវត្តកិច្ចព្រមព្រៀងសន្តិភាពឆ្នាំ ២០១៥។

នាថ្ងៃដដែល ក្រុមប្រឹក្សាសន្តិសុខក៏បានបើកកិច្ចប្រជុំដើម្បីពិភាក្សាអំពីស្ថានភាភនៅស៊ូដង់ផងដែរ៕