ក្រុមប្រឹក្សាសន្តិសុខអង្គការសហប្រជាជាតិ បានបើកសម័យប្រជុំជាប្រចាំតាមប្រព័ន្ធវីដេអូ អំពីស្ថានភាពមនុស្សធម៌នៅស៊ីរី

ចែករំលែកការព្រួយបារម្ភរបស់សមាជិកក្រុមប្រឹក្សាសន្តិសុខស្តីពីស្ថានភាពមនុស្សធម៌នៅស៊ីរី លោកឯកអគ្គរដ្ឋទូត Pham Hai Anh អនុប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ បានសម្តែងការព្រួយបារម្ភអំពីស្ថានភាពមនុស្សធម៌នៅស៊ីរីដែលគ្មានសញ្ញាវិជ្ជមាននោះឡើយ ជាពិសេសរួមជាមួយនឹងផលប៉ះពាល់កាន់តែធ្ងន់ធ្ងរនៃជំងឺកូវីដ១៩ផងដែរ ។

លោក ឯកអគ្គរដ្ឋទូត Pham Hai Anh បានសង្កត់ធ្ងន់លើភាពចាំបាច់ត្រូវអនុវត្តរាល់សកម្មភាពមនុស្សធម៌យ៉ាងពេញលេញ ដោយមិនត្រូវរារាំងដល់គ្រប់តំបន់ទាំងអស់នៅស៊ីរី ព្រមទាំងអំពាវនាវឱ្យគ្រប់ភាគីទាំងអស់ធានានូវបរិយាកាសសន្តិសុខអំណោយផល និងបង្កើនកិច្ចសហប្រតិបត្តិការ ដើម្បីគាំទ្រដល់ការដឹកជញ្ជូនទំនិញមនុស្សធម៌ផងដែរ។

លោកឯកអគ្គរដ្ឋទូតក៏បានអំពាវនាវដល់សហគមន៍អន្តរជាតិឱ្យបង្កើនការផ្តល់ជំនួយឧបត្ថម្ភដល់ប្រទេសស៊ីរី ដោយ ផ្តោតសំខាន់ទៅលើការឆ្លើយតបទៅនឹងជំងឺកូវីដ១៩ ដើម្បីទប់ស្កាត់ផលប៉ះពាល់អវិជ្ជមានចំពោះស្ថានភាពមនុស្សធម៌ដែលធ្លាប់មានភាពធ្ងន់ធ្ងរនៅក្នុងប្រទេសស៊ីរី៕