សកម្មភាពនៅតំបន់ហ្គាហ្សានៅថ្ងៃទី ២០ ខែឧសភាឆ្នាំ ២០២១ ( រូបថត៖ AFP / VNA)

ក្នុងសេចក្តីថ្លែងការណ៍ដំបូងអំពីបញ្ហានេះបណ្ដាសមាជិកនៃក្រុមប្រឹក្សាសន្តិសុខបានអបអរសាទរការប្រកាសបទឈប់បាញ់ ដែលចាប់ផ្តើមពីថ្ងៃទី ២១ ខែឧសភា ដោយទទួលស្គាល់តួនាទីដ៏សំខាន់របស់អេហ្ស៊ីបនិងបណ្តាប្រទេសក្នុងតំបន់ ក្នុងការដោះស្រាយជម្លោះហើយបានសង្កត់ធ្ងន់ថា“ ត្រូវផ្ដល់ជំនួយមនុស្សធម៌ជាបន្ទាន់ ដល់ជនស៊ីវិលប៉ាឡេស្ទីន ជាពិសេសនៅតំបន់ហ្គាហ្សា "។

ជម្លោះរយៈពេល ១១ ថ្ងៃរវាងយោធាអ៊ីស្រាអែលនិងចលនាហាម៉ាសរបស់ប៉ាឡេស្ទីនបានធ្វើឱ្យមនុស្សជាង ២៦០ នាក់ស្លាប់ ទាំងសងខាង ហើយជាជម្លោះប្រដាប់អាវុធធ្ងន់ធ្ងរបំផុតរវាងភាគីទាំងពីរចាប់តាំងពីសង្គ្រាមនៅតំបន់ហ្គាហ្សា កាលពីឆ្នាំ ២០១៤ ៕