អភិបាលខេត្តកំពង់ធំ លោក សុខ លូ និងឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh រួមជាមួយគណៈប្រតិភូអញ្ជើញទស្សនាក្រុមហ៊ុនកៅស៊ូ

ថ្លែងក្នុងជំនួបធ្វើការជាមួយគណៈប្រតិភូស្ថានទូតវៀតណាមនិងក្លឹបពាណិជ្ជកម្មវៀតណាមប្រចាំនៅកម្ពុជា (VBCC) ដឹកនាំដោយឯកអគ្គរដ្ឋទូតវៀតណាមប្រចាំនៅព្រះរាជាណាចក្រកម្ពុជា លោក Vu Quang Minh នៅខេត្តកំពង់ធំនាថ្ងៃទី ៥ ខែតុលា អភិបាលខេត្តកំពង់ធំ លោក សុខ លូ បានបញ្ជាក់ពីតួនាទីយ៉ាងសំខាន់របស់សម្ព័ន្ធក្រុមហ៊ុនឧស្សាហកម្មកៅស៊ូវៀតណាម (VRG) និយាយដោយឡែកនិងសហគ្រាសវៀត ណាមនៅកម្ពុជានិយាយរួម។

អភិបាលខេត្តកំពង់ធំ លោក សុខ លូ អញ្ជើញថ្លែងមតិក្នុងពិធី

លោក សុខ លូ បានមានប្រសាសន៍ថា VRG បាននិងកំពុងរួមចំណែកក្នុងការជំរុញសាមគ្គីភាព ចំណងមិត្តភាពនិងកិច្ចសហប្រតិបត្តិការប្រកបដោយប្រសិទ្ធភាពរវាងវៀតណាមនិងកម្ពុជា។ ថ្វីត្បិតតែ វិស័យជាច្រើន ត្រូវបានរងផលប៉ះពាល់ដោយការរីករាលដាលនៃជំងឺរាតត្បាតកូវីដ ១៩  ក៏ដោយ ក៏សម្ព័ន្ធក្រុមហ៊ុននេះ នៅតែចូលរួមយ៉ាងសកម្មក្នុងការជំរុញការអភិវឌ្ឍន៍សេដ្ឋកិច្ច ធ្វើឲ្យហេដ្ឋារចនាសម្ព័ន្ធនៅតំបន់ជនបទកាន់តែប្រសើរឡើង ក៏ដូចជាបង្កើតការងារធ្វើដោយប្រាក់ចំណូលមានស្ថេរភាព។

ការងារធានាសន្តិសុខសង្គមតែងតែទទួលបានការយកចិត្តទុកដាក់ជានិច្ច

ថ្លែងមតិនៅក្នុងពិធីនេះ ឯកអគ្គរដ្ឋទូត លោក Vu Quang Minh បានប្តេជ្ញានឹងបន្តបំពេញយ៉ាងល្អបំផុត  នូវកាតព្វកិច្ចរបស់សហគ្រាសចំពោះរដ្ឋ លើកកម្ពស់ជីវភាពរស់នៅរបស់កម្មករ និងរួមចំណែកដល់ការជំរុញកំណើនសេដ្ឋកិច្ចព្រមទាំងធានាបាននូវសន្តិសុខសង្គមរបស់ប្រទេសកម្ពុជាទៀតផង៕