យោងតាម SCA ក្រុមហ៊ុនដែលប្រកាសចាប់ផ្តើមប្រតិបត្តិការឡើងវិញរួមមាន Maersk នៃប្រទេសដាណឺម៉ាក Evergreen Group របស់តៃវ៉ាន់ (ចិន) និង CMA CGM របស់ប្រទេសបារាំង។ ក្រុមហ៊ុនទាំងនេះនឹងបន្តប្រតិបត្តិការនាវាចរណ៍តាមរយៈព្រែកជីកស៊ុយអេ ចាប់ពីដើមសប្តាហ៍ក្រោយ។

កប៉ាល់ត្រៀមធ្វើដំណើរឆ្លងកាត់ព្រែកជីក Suez ប្រទេសអេហ្ស៊ីប។ រូបថត៖ AFP/TTXVN

យោងតាមទិន្នន័យពីទីភ្នាក់ងារស្ថិតិនិងក្រៀងគរសាធារណៈកណ្តាលអេហ្ស៊ីប(CAPMS) បានឲ្យដឹងថា ចំនួនកប៉ាល់សរុបដែលឆ្លងកាត់ព្រែកជីកស៊ុយអេ បានកើនឡើងយ៉ាងខ្លាំងក្នុងរយៈពេលប៉ុន្មានខែថ្មីៗនេះ រហូតដល់ពេលដែលកើតមានការវាយប្រហារជាច្រើនសំដៅទៅលើកប៉ាល់នៅលើសមុទ្រក្រហម។ ជាក់ស្តែងនៅក្នុងខែតុលា មាននាវាចំនួន ២.៣៤៥ គ្រឿងឆ្លងកាត់ផ្លូវសមុទ្រពាណិជ្ជកម្មដ៏សំខាន់នេះ កើនឡើង ១០% បើធៀបនឹងរយៈពេលដូចគ្នាកាលពីឆ្នាំមុន។

ជាផ្លូវសមុទ្រដ៏សំខាន់ដែលតភ្ជាប់សមុទ្រមេឌីទែរ៉ាណេជាមួយសមុទ្រក្រហម ព្រែកជីកស៊ុយអេ ស្រូបយកប្រហែល ១២% នៃបរិមាណទំនិញតាមផ្លូវសមុទ្ររបស់ពិភពលោក និងជាប្រភពចំណូលដ៏សំខាន់មួយរបស់ប្រទេសអេហ្ស៊ីប៕