ក្រុមហ៊ុនអាកាសចរណ៍ Bamboo Airway ត្រៀមខ្លួនបើកជើងហោះហើរត្រង់ពីទីក្រុងហាណូយទៅទីក្រុង Melbourne
(VOVWORLD) - ក្រោមអញ្ជើញធ្វើជាសក្ខីភាពរបស់ឧបនាយករដ្ឋមន្រ្តីវៀតណាម លោក Trinh Dinh Dung ដែលកំពុងបំពេញទស្សនកិច្ចការងារនៅអូស្ត្រាលី នាថ្ងៃទី ២៦ ខែវិច្ឆិកា ក្រុមហ៊ុនអាកាសចរណ៍ Bamboo Airways បានចុះហត្ថលេខានិងផ្លាស់ប្តូរអនុស្សារណៈយោគយល់គ្នាជាមួយអាកាសយានដ្ឋាន Melbourne (អូស្ត្រាលី) ដើម្បីត្រៀមរៀបចំការបើកជើងហោះហើរត្រង់ពីទីក្រុងហាណូយទៅទីក្រុង Melbourne នៅឆ្នាំ២០២០។ លោក Dang Tat Thang អនុប្រធានអចិន្ត្រៃយ៍នៃក្រុមហ៊ុនអាកាសចរណ៍ Bamboo Airways បានមានប្រសាសន៍ថា៖
 អាកាសចរណ៍ Bamboo Airways (រូបថត៖ vov) |
« អាកាសចរណ៍ Bamboo Airways ចាប់អារម្មណ៍យ៉ាងខ្លាំងចំពោះការហោះហើរទៅកាន់អូស្ត្រាលីពីព្រោះប្រទេសទាំងពីរបានក្លាយជាដៃគូយុទ្ធសាស្រ្តហើយ នា បច្ចុប្បន្ននេះ សហគមន៍ជនជាតិវៀតណាមនៅអូស្ត្រាលីមានចំនួនប្រជាជន ជិត ៥០ ម៉ឺននាក់។ លើសពីនេះទៀត ពាណិជ្ជកម្ម និងសេដ្ឋកិច្ចរវាងភាគីទាំងពីរក៏បានរីកចម្រើនយ៉ាងខ្លាំងក្នុងរយៈពេល ៥ ឆ្នាំកន្លងទៅ។ យើងឃើញថាបច្ចុប្បន្ននេះមានជើងហោះហើរត្រង់ពីប្រទេសវៀតណាមទៅអូស្រ្តាលីតិចតួចណាស់ ខណៈដែលតម្រូវការទីផ្សារកាន់តែធំឡើងវិញផងដែរ។ ម្យ៉ាងវិញទៀត អូស្រ្តាលីគឺជាទីផ្សារដែលមានសក្តានុពលខ្លាំងក្នុងការធ្វើអាជីវកម្មនូវជើងហោះហើរអន្តរជាតិផងដែរ»៕