ឧបនាយករដ្ឋមន្ត្រី រដ្ឋមន្ត្រីការបរទេស លោក Pham Binh Minh អញ្ជើញថ្លែងមតិក្នុងសន្និបាត (រូបថតៈ VGP)

នៅទីនេះ លោកឧបនាយករដ្ឋមន្រ្តីបានសង្កត់ធ្ងន់ថា នាពេលខាងមុខនេះ បើតាមការព្យាករណ៍ គឺស្ថានភាពពិភព លោកនិងតំបន់ នឹងបន្តផ្លាស់ប្តូរយ៉ាងឆាប់រហ័ស និងមិនអាចប៉ាន់ស្មានបានឡើយ។ ដូច្នេះ វិស័យកិច្ចការបរទេស ត្រូវបន្តពង្រីកនូវតួនាទីត្រួសត្រាយ ក្នុងការថែរក្សាបរិយា កាសប្រកបដោយសន្តិភាពនិងស្ថេរភាពឆ្លៀតយកប្រយោជន៍ ពីប្រភពធនធានខាងក្រៅសម្រាប់ការអភិវឌ្ឍនិងលើកកំពស់តួនាទីនិងឋានៈរបស់ប្រទេសជាតិ។ លោកឧបនាយករដ្ឋមន្ត្រី Pham Binh Minh អញ្ជើញមានប្រសាសន៍ថា៖ “យើងទាំងអស់គ្នា ត្រូវពង្រីកនូវតួនាទីនិងកម្លាំងពលំថ្មីរបស់ប្រទេសជាតិ និងជាប្រពៃណីវីរភាពនៃវិស័យការទូតអស់រយៈពេល ៧៥ កន្លងមក ដើម្បីជំនេះពុះពារលើបញ្ហា ឆ្លៀតយកឱកាសដើម្បីបន្តអនុវត្តតួនាទីត្រួសត្រាយផ្លូវ ក្នុងការថែរក្សាបរិយាកាសប្រកបដោយសុខដុមរមនា។ ទន្ទឹមជាមួយគ្នានេះ ក្នុងការអនុវត្តការងាររយៈពេល ៥ ឆ្នាំខាងមុខ យើងទាំងអស់ត្រូវលើកស្ទួយភាពរឹងមាំរបស់គណៈកម្មាធិការបក្សភាគ ដែលជាគណៈកម្មាធិការបក្សភាគដ៏ធំមួយ ដោយមានបក្ខជនចំនួន ១៣.០០០ នាក់ រស់នៅក្នុងអង្គការបក្សក្នុងស្រុកនិងបរទេសជិត ៦០០ ផងដែរ”៕