ក្រសួងសុខាភិបាលនឹងបើកកិច្ចប្រជុំដើម្បីវាយតម្លៃលើវ៉ាក់សាំងបង្ការកូវីដ ១៩ “made in Vietnam” Nanocovax
(VOVWORLD) - អ្នកវិទ្យាសាស្ត្របានវាយតម្លៃថាបន្ទាប់ពីការធ្វើតេស្តមក វ៉ាក់សាំង Nanocovax មានប្រសិទ្ធភាព ៩០% ក្នុងការប្រឆាំងជំងឺកូវីដ ១៩។
ទាក់ទងនឹងព័ត៌មានដែលវ៉ាក់សាំងបង្ការកូវីដ -១៩ “made in Vietnam” Nanocovax ទទួលលទ្ធផលថ្មីក្នុងការធ្វើតេស្តនោះ នៅថ្ងៃទី ៦ ខែសីហា លោកសាស្រ្តាចារ្យ បណ្ឌិត Tran Van Thuan អនុរដ្ឋមន្រ្តីក្រសួងសុខាភិបាលវៀតណាមបានឲ្យដឹងថា នាព្រឹកថ្ងៃទី ៧ ខែសីហា ក្រសួងសុខាភិបាលនឹងបើកកិច្ចប្រជុំក្រុមប្រឹក្សាវាយតម្លៃលើវ៉ាក់សាំង Nanocovax។
អ្នកវិទ្យាសាស្ត្របានវាយតម្លៃថាបន្ទាប់ពីការធ្វើតេស្តមក វ៉ាក់សាំង Nanocovax មានប្រសិទ្ធភាព ៩០% ក្នុងការប្រឆាំងជំងឺកូវីដ ១៩។ ក្រោយរយៈពេល ៣ ខែ នៃការចាក់វ៉ាក់សាំងមក កម្រិតអង់ទីករពិសេសរបស់អ្នកទទួលបានការចាក់វ៉ាក់សាំង Nanocovax គឺខ្ពស់ជាងក្រុមអ្នកជំងឺកូវីដ ១៩ ដែលជាសះស្បើយ។ នាបច្ចុប្បន្ននេះ អ្នកស្ម័គ្រចិត្តចំនួន ១២ ០០០ នាក់ ទទួលបានការចាក់ វ៉ាក់សាំង Nanocovax ដូសទី ២ ក្នុងការធ្វើតេស្តគ្លីនិក ហើយគ្រោងនឹងបញ្ចប់មុនថ្ងៃទី ១៥ ខែសីហាផងដែរ៕