អត្ថបទសរសេរមួយក្រោមចំណងជើងថា “តួនាទីរបស់វៀតណាមក្នុងការប្រែក្លាយសមុទ្រខាងកើតទៅជាដែនសមុទ្រសន្តិភាព និងសហប្រតិបត្តិការ”

គេហទំព័រ Data-Max របស់ជប៉ុនទើបបានចុះផ្សាយអត្ថបទសរសេរមួយក្រោមចំណងជើងថា “តួនាទីរបស់វៀតណាមក្នុងការប្រែក្លាយសមុទ្រខាងកើតទៅជាដែនសមុទ្រសន្តិភាព និងសហប្រតិបត្តិការ” ដោយបានអះអាងថាវៀតណាមកំពុងត្រូវបានវាយតម្លៃ ជាប្រទេសសកម្មបំផុតក្នុងការថែរក្សាសន្តិភាព និងស្ថិរភាពនៅសមុទ្រខាងកើត។ អត្ថបទវាយតម្លៃថា សមុទ្រខាងកើតប្រកបដោយសន្តិភាពនិងកិច្ចសហប្រតិបត្តិការគឺជាបំណងប្រាថ្នារបស់ប្រទេសជាច្រើនក្នុងតំបន់។ ប្រទេសជាសមាជិកអាស៊ានជាច្រើនបានយល់ព្រមចំពោះទស្សនៈរបស់វៀតណាមអំពី សមុទ្រខាងកើតត្រូវជាសមុទ្រសម្រាប់កិច្ចសហប្រតិបត្តិការ និងការតភ្ជាប់ មិនមែនជាតំបន់ប្រឈមមុខដាក់គ្នា ឬជម្លោះនោះឡើយ។

អត្ថបទសរសេរបានឲ្យដឹងថា៖ ប្រទេសមួយចំនួនដូចជាសហរដ្ឋអាមេរិក និងជប៉ុនក៏បានអះអាងពីតម្រូវការដើម្បីរក្សាសន្តិភាព សន្តិសុខ និងស្ថិរភាពនៅក្នុងតំបន់នេះ។ ក្នុងកិច្ចប្រជុំ សហរដ្ឋអាមេរិក-អាស៊ានតាមប្រព័ន្ធវីដេអូក្នុងខែឧសភា ឆ្នាំ ២០២១ ឧបការីស្តីទីរដ្ឋមន្ត្រីការបរទេសអាមេរិក លោក Atul Kesap បានសង្កត់ធ្ងន់ថា រដ្ឋបាលរបស់ប្រធានាធិបតីអាមេរិក លោក Joe Biden គោរពទំនាក់ទំនងភាពជាដៃគូយុទ្ធសាស្ត្រជាមួយអាស៊ាន ដោយបញ្ជាក់ថានឹងសម្របសម្រួលយ៉ាងជិតស្និទ្ធជាមួយបណ្តាប្រទេសអាស៊ាន ដើម្បីរួមចំណែករក្សាសន្តិភាព សន្តិសុខ និងស្ថិរភាពក្នុងតំបន់ ក្នុងនោះមានសន្តិសុខ និងសុវត្ថិភាពដែនសមុទ្រនៅសមុទ្រខាងកើត។ ចំណែកឯ នាយករដ្ឋមន្ត្រីជប៉ុន លោក Fumio Kishida ក្នុងដំណើរទស្សនកិច្ចនៅវៀតណាម និងឥណ្ឌូនេស៊ី កាលពីចុងខែមេសា និងដើមខែឧសភា បានសន្យាសហប្រតិបត្តិការយ៉ាងជិតស្និទ្ធជាមួយបណ្តាប្រទេសឆ្ពោះទៅតំបន់មហាសមុទ្រឥណ្ឌា ប៉ាស៊ីហ្វិក រួមទាំងសមុទ្រខាងកើតប្រកបដោយសន្តិភាព ស្ថិរភាព សេរី និងបើកចំហ។

អ្នកនិពន្ធអត្ថបទបានអះអាងថា៖ ការរក្សាសន្តិភាព និងស្ថិរភាពនៅសមុទ្រខាងកើតគឺមានអត្ថន័យដ៏ធំធេងណាស់ ហើយជាផលប្រយោជន៍របស់ប្រទេសទាំងអស់ មិនត្រឹមតែបណ្តាប្រទេសជាប់ឆ្នេរសមុទ្រខាងកើត បណ្ដាប្រទេសជាសមាជិកអាស៊ានប៉ុណ្ណោះទេថែមទាំងសម្រាប់តំបន់មហាសមុទ្រឥណ្ឌា ប៉ាស៊ីហ្វិក និងពិភពលោកទាំងមូលទៀតផង៕