គេហទំព័ររបស់ទីភ្នាក់ងារសារព័ត៌មានឡាវ (KPL) រាយការណ៍ថា វៀតណាមបានរៀបចំការបោះឆ្នោតរដ្ឋសភានិងក្រុមប្រឹក្សាប្រជាជនគ្រប់ជាន់ថ្នាក់ប្រកបដោយជោគជ័យ (រូបថត៖ TTXVN)

សារព័ត៌មានឡាវនៅយប់ថ្ងៃទី ២៤ ខែឧសភាបានរាយការណ៍ព្រមៗគ្នាថា វៀតណាមបានរៀបចំប្រកបដោយជោគជ័យការបោះឆ្នោតជ្រើសតាំងសមាជិកសភានីតិកាលទី ១៥ និងក្រុមប្រឹក្សាប្រជាជនគ្រប់ជាន់ថ្នាក់សម្រាប់អាណត្តិ ២០២១-២០២៦ ដោយបញ្ជាក់ថា ការបោះឆ្នោតបានប្រព្រឹត្តទៅយ៉ាងត្រឹមត្រូវតាមផែនការធានាប្រជាធិបតេយ្យនិងសន្តិសុខ។ គេហទំព័ររបស់ទីភ្នាក់ងារព័ត៌មានឡាវ (KPL) បានរាយការណ៍ថា អ្នកបោះឆ្នោតវៀតណាមជាង ៦០ លាននាក់នៅទូទាំងប្រទេសបានចូលរួមបោះឆ្នោតនាថ្ងៃទី ២៣ ខែឧសភានេះ ដោយបញ្ជាក់ថា នេះគឺជាពិធីបុណ្យដ៏ធំមួយរបស់ប្រជាជនទាំងមូល កងទ័ពវៀតណាមទាំងមូលនិងជាឱកាសដ៏សំខាន់សម្រាប់ប្រជាជនវៀតណាមអនុវត្តន៍និងលើកកម្ពស់សិទ្ធិកាតព្វកិច្ចនិងទំនួលខុសត្រូវរបស់ពលរដ្ឋក្នុងការជ្រើសរើសអ្នកតំណាងដែលដែលមានគុណធម៌និងទេពកោសល្យដើម្បីតំណាងឱ្យប្រជាជននៅក្នុងស្ថាប័នរដ្ឋសភានិងក្រុមប្រឹក្សាប្រជាជនគ្រប់ជាន់ថ្នាក់។

ក្នុងពេលជាមួយគ្នានោះ គេហរទំព័ររបស់កាសែត Pasaxon  Laos (កាសែតប្រជា ជនឡាវ) ក៏មានអត្ថបទមួយមានចំណងជើងថា “ការបោះឆ្នោតជ្រើសតាំងសមាជិក សភានីតិកាលទី ១៥ និងក្រុមប្រឹក្សាប្រជាជនគ្រប់ជាន់ថ្នាក់របស់វៀតណាមទទួលបានជោគជ័យ”។ យោងតាម Pasaxon Laos ការបោះឆ្នោតបានប្រព្រឹត្តទៅ តាមការគ្រោងទុក ធានានូវប្រជាធិបតេយ្យនិងសន្តិសុខ។ អ្នកបោះឆ្នោតមានសេចក្តីសោមនស្សរីករាយនិងមានមោទនភាពដែលអាចបោះឆ្នោត អនុវត្តសិទ្ធិបោះឆ្នោត ស្របតាមច្បាប់និងអនុវត្តន៍សិទ្ធិនិងកាតព្វកិច្ចជាពលរដ្ឋរបស់ខ្លួន៕