នាយករដ្ឋមន្ត្រី លោក Pham Minh Chinh អញ្ជើញដឹកនាំជំនួបធ្វើការជាមួយថ្នាក់ដឹកនាំសំខាន់ៗនៃខេត្ត Lao Cai (រូបថត៖ Duong Giang/TTXVN)

ក្នុងជំនួបនេះ នាយករដ្ឋមន្ត្រី លោក Pham Minh Chinh បានចាត់ទុកថា ស្ថានភាពធម្មជាតិ ទីតាំងភូមិសាស្ត្រសេដ្ឋកិច្ច យោធា កិច្ចការបរទេស និងនយោបាយ ផ្តល់ឱ្យ Lao Cai នូវសក្តានុពល និងឱកាសជាច្រើនសម្រាប់ខេត្តអភិវឌ្ឍទៅជាបង្គោលកំណើននៃតំបន់ព្រំដែនភាគខាងជើង ក្លាយទៅជាទីកន្លែងតភ្ជាប់ពាណិជ្ជកម្មសេដ្ឋកិច្ចរវាងប្រទេសវៀតណាមនិងបណ្តាប្រទេសអាស៊ាននិងតំបន់និរតី-ចិន។

ស្តីពីភារកិច្ច និងដំណោះស្រាយសម្រាប់ការអភិវឌ្ឍសេដ្ឋកិច្ច-សង្គមនាពេលខាងមុខ លោកនាយករដ្ឋមន្ត្រីបានស្នើឱ្យខេត្ត Lao Cai ម្ចាស់ការក្នុងការអភិវឌ្ឍសេដ្ឋកិច្ច-សង្គមឱ្យបានឆាប់រហ័ស និងនិរន្តរភាព; រក្សាការពារជាតិ សន្តិសុខ ព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ; រួមចំណែកកសាងទំនាក់ទំនងមិត្តភាពជាប្រពៃណីរវាងវៀតណាម និងចិន; និងរួមចំណែកដល់ការកសាងសេដ្ឋកិច្ចឯករាជ្យ ខ្លួនទីពឹងខ្លួន ត្រូវបានផ្សារភ្ជាប់ជាមួយនឹងសមាហរណកម្មអន្តរជាតិដែលមានលក្ខណៈទូលំទូលាយ ជាក់ស្តែង និងមានប្រសិទ្ធភាព។

ទន្ទឹមនឹងនោះ ខេត្តត្រូវអភិវឌ្ឍន៍ប្រព័ន្ធហេដ្ឋារចនាសម្ព័ន្ធដឹកជញ្ជូនស្របគ្នា; ជំរុញការផ្លាស់ប្តូរឌីជីថល ការផ្លាស់ប្តូរថាមពលបៃតង ថាមពលស្អាត ប្រយុទ្ធប្រឆាំងនឹងការប្រែប្រួលអាកាសធាតុ; អភិវឌ្ឍន៍សេដ្ឋកិច្ចពាណិជ្ជកម្មតាមព្រំដែន...។ លោកនាយករដ្ឋមន្ត្រីបានស្នើឲ្យខេត្ត Lao Cai បន្តជំរុញសេដ្ឋកិច្ចច្រកទ្វារព្រំដែនឱ្យក្លាយជាចំណុចលោតផ្លោះសេដ្ឋកិច្ចរបស់ខេត្ត និងតំបន់ទំនាបកណ្តាល និងតំបន់ព្រៃភ្នំ។

លោកនាយករដ្ឋមន្ត្រី Pham Minh Chinh ក៏បានស្នើឲ្យ Lao Cai គៀងគរប្រភពធនធានទាំងអស់សម្រាប់ការអភិវឌ្ឍ; បង្កើនប្រសិទ្ធភាពនៃការទាក់ទាញ និងប្រើប្រាស់ទុនវិនិយោគ; បន្តកែលម្អបរិយាកាសវិនិយោគ និងអាជីវកម្ម; ផ្តោតលើការកែលម្អសន្ទស្សន៍សមត្ថភាពប្រកួតប្រជែងថ្នាក់ខេត្ត (PCI)...៕