ប្រធានរដ្ឋសភាវៀតណាមលោកស្រី Nguyen Thi Kim Ngan អញ្ជើញថ្លែងមតិនៅមហាសន្និបាតតំណាងបក្ខភាគខេត្ត Thanh Hoa លើកទី១៩។ (រូបថត៖ quochoi.vn)

នាព្រឹកថ្ងៃទី២៧ តុលា ខេត្ត Thanh Hoa បានបើកមហាសន្និបាត តំណាងបក្ខភាគលើកទី១៩ អាណត្តិ២០២០-២០២៥។ អញ្ជើញចូលរួមនិង ថ្លែងមតិនៅមហាសន្និបាត ប្រធានរដ្ឋសភាវៀតណាមលោកស្រី Nguyen Thi Kim Ngan បានសង្កត់ធ្ងន់ថា Thanh Hoa ជាខេត្តដែលមានទីតាំងយុទ្ធ សាស្ត្រទាំងខាងសេដ្ឋកិច្ចនិងសន្តិសុខ-ការពារជាតិ ដោយមានប្រភពធន ធានធម្មជាតិដ៏សម្បូរបែប ដីធ្លីធំល្វឹងល្វើយ ប្រភពធនធានមនុស្សដ៏ច្រើន បរិបូរ ហើយជាពិសេសគឺខេត្ត Thanh Hoa មានការផ្លាស់ប្ដូរថ្មីយ៉ាងខ្លាំងក្លា នាពេលកន្លងទៅ។ លោកស្រីប្រធានរដ្ឋសភាNguyen Thi Kim Ngan បាន ចាត់ទុកថា ខេត្ត Thanh Hoa ចាំបាច់ត្រូវធ្វើអាជីវកម្មនិងពង្រីកជាអតិបរមា នូវសក្ដានុភាព ឧត្តមភាព គៀរគរនិងប្រើប្រាស់ប្រកបដោយប្រសិទ្ធភាពនូវ គ្រប់ប្រភពធនធានដើម្បីក្លាយទៅជាប៉ូលកំណើនថ្មី រួមជាមួយទីក្រុង ហាណូយ ទីក្រុងហាយហ្វុងនិងខេត្ត ក្វាងនិញ បង្កើតជាចតុកោណ អភិវឌ្ឍនៅភាគខាងជើងមាតុប្រទេស។

លោកស្រីប្រធានរដ្ឋសភាបានអះអាងថា ខេត្ត Thanh Hoa ត្រូវខិតខំ ប្រឹងប្រែងក្លាយទៅជាមជ្ឈ មណ្ឌលមួយក្នុងចំណោមមជ្ឈមណ្ឌលធំៗនៃ តំបន់កណ្ដាលភាគខាងជើងនិងរបស់ប្រទេសទាំងមូលក្នុងវិស័យ ឧស្សាហកម្មថាមពលនិងឧស្សាហកម្មផលិត-កែច្នៃ។ ក្រៅពីនោះ ខេត្ត Thanh Hoa ត្រូវការបន្តកែលម្អយ៉ាងខ្លាំងក្លានូវបរិយាកាសវិនិយោគ ធ្វើ អាជីវកម្ម ជំរុញការទាក់ទាញដើមទុនវិនិយោគ ជាពិសេសគឺជ្រើសរើស គម្រោងការណ៍វិនិយោគពីបរទេសឲ្យបានសមស្របនឹងទិសដៅអភិវឌ្ឍ របស់ខេត្ត៕