នាថ្ងៃទី ១០ ខែធ្នូ គណៈកម្មាធិការប្រជាជនខេត្ត Thua Thien Hue បានចេញផែនការទទួលភ្ញៀវទេសចរអន្តរជាតិដែលមកកាន់ខេត្ត។ តាមនោះ ដំណើរការទទួលភ្ញៀវទេសចរអន្តរជាតិមកកាន់ខេត្ត Thua Thien Hue ចែកចេញជា ៣ ដំណាក់កាល។ ដំណាក់កាលទី ១ ចាប់ពីចុងខែធ្នូ ឆ្នាំ ២០២១ ដល់ដើមខែមករា ឆ្នាំ ២០២២។ ដំណាក់កាលទី ២ ចាប់ពីដើមត្រីមាសទី ១ ឆ្នាំ ២០២២ នឹងបន្តទទួលភ្ញៀវអន្តរជាតិក្នុងទម្រង់កញ្ចប់មួយ។ ដំណាក់កាលទី៣ បើកទូលាយដល់ទីផ្សារទេសចរណ៍អន្តរជាតិ។ ពេលវេលាចាប់ផ្តើមនៃដំណាក់កាលទី ៣ នឹងផ្អែកលើស្ថានភាពជាក់ស្តែងនៃជំងឺរាតត្បាត និងលើការវាយតម្លៃលទ្ធផលនៃការទទួលភ្ញៀវទេសចរអន្តរជាតិក្នុងដំណាក់កាលពីរដំបូង។ លោក Nguyen Van Phuc អនុប្រធានមន្ទីរទេសចរណ៍ខេត្ត Thua Thien Hue បានឲ្យដឹងថា៖       “និន្នាការទេសចរណ៍ក៏ដូចជាតម្រូវការ ប្រភេទនៃផលិតផលទេសចរណ៍នឹងមានការផ្លាស់ប្តូរបើប្រៀបធៀបទៅនឹងមុននេះ។ ដូច្នេះ ចាប់ពីពេលនេះតទៅ មន្ទីរទេសចរណ៍ បានសហការជាមួយសមាគមធុរកិច្ចទេសចរណ៍ ដើម្បីស្រាវជ្រាវ តាមដានរបាយការណ៍និងស្ទង់មតិរបស់អ្នកជំនាញទេសចរណ៍និងអង្គការនានា ដើម្បីចាប់យកនិន្នាការ តម្រូវការភ្ញៀវទេសចរណ៍ ប្រភេទទីផ្សារសមស្របតាមមូលដ្ឋាន។ ពីទីនោះ មានផែនការស្តារឡើងវិញជាក់ស្តែង ដែលឆ្លើយតបទៅនឹងស្ថានភាពជាក់ស្តែង”៕