គណៈកម្មការួម JCPOA នឹងដំណើរការកិច្ចប្រជុំសំដៅវាយតំលៃចំពោះការដកខ្លួនចេញពីកិច្ចព្រមព្រៀងនុយក្លេអ៊ែរ

នាថ្ងៃទី ២០ ឧសភា អនុរដ្ឋមន្ត្រីការបរទេសអ៊ីរ៉ង់ លោក Abbas Araqchi បានឲ្យដឹងថា៖ កិច្ចប្រជុំនៃគណៈកម្មាធិការរួមឃ្លាំមើលការអនុវត្តកិច្ចព្រមព្រៀង នុយក្លេអ៊ែរអ៊ីរ៉ង់ ឬហៅថា ផែនការធ្វើសកម្មភាពរួមលើគ្រប់ជ្រុងជ្រោយ  (JCPOA) នឹងប្រព្រឹត្តទៅនៅទីក្រុង Vienna របស់អូស្ត្រីស នាថ្ងៃទី ២៥ ឧសភា ខាងមុខ សំដៅពិភាក្សាអំពីបញ្ហាទាក់ទិនដល់សេចក្តីសម្រេចចិត្តដកខ្លួនចេញពីកិច្ចព្រមព្រៀងពហុភាគីរបស់អាមេរិកនេះ។ មុននេះ ក្នុងសេចក្តីប្រកាសនាថ្ងៃទី ១៨ ឧសភា តំណាងជាន់ខ្ពស់ទទួលបន្ទុកគោលនយោបាយសន្តិសុខនិងកិច្ចការបរទេសរបស់ EU លោកស្រី Federica Mogherini បានលើកច្បាស់ថា៖ ប្រទេស ជាសមាជិកទាំង ២៨ របស់ EU ឯកភាពរក្សាកិច្ចព្រមព្រៀងនុយក្លេអ៊ែរអ៊ីរ៉ង់៕