គណៈប្រតិភូរដ្ឋសភាវៀតណាមចូលរួមចុះហត្ថលេខានិងអនុម័តលើរបាយការណ៍នៃសន្និសីទសន្និសីទAIPA Caucus ១២  (រូបថត៖ TTXVN)

នាថ្ងៃទី ១៦ ខែមិថុនា ផ្សាយចេញពីវិមានរដ្ឋសភា គណៈប្រតិភូរដ្ឋសភាវៀត ណាមដឹកនាំដោយលោក Vu Hai Ha ប្រធានគណៈ កម្មាធិការកិច្ចការបរទេស បានចូលរួមកិច្ចប្រជុំក្រុមប្រឹក្សាយោបល់នៃមហា សន្និបាតអន្តរសភានៃសមាគមប្រជាជាតិអាស៊ីអាគ្នេយ៍លើកទី ១២ (AIPA Caucus ១២) បានរៀបចំឡើងតាមប្រព័ន្ធវីដេអូ។ ថ្លែងមតិនៅកិច្ចប្រជុំនេះ ប្រតិភូរដ្ឋសភាវៀតណាមបានស្នើនូវអនុសាសន៍ដល់សភាសមាជិក AIPA។ នោះគឺ៖ បណ្តាប្រទេសជាសមាជិកបន្តពិនិត្យនិងធ្វើឱ្យប្រសើរឡើងនូវក្របខ័ណ្ឌគតិយុត្តដើម្បីលើកកម្ពស់ការសម្របសម្រួលពាណិជ្ជកម្មនិងការវិនិយោគធានានូវការចរាចរទំនិញនិងខ្សែសង្វាក់ផ្គត់ផ្គង់នៅក្នុងតំបន់ កុំឲ្យអាក់ ខាន។ ជំរុញការផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី។ រក្សាការប្តេជ្ញាចិត្តក្នុងការបើកទីផ្សារដើម្បីលើកកម្ពស់ភាពធន់និងនិរន្តរភាពនៃចង្វាក់ផ្គត់ផ្គង់ក្នុងតំបន់ ពង្រឹងការអភិវឌ្ឍន៍ទីផ្សារក្នុងតំបន់កសាងខ្សែសង្វាក់ផ្គត់ផ្គង់ពេញលេញសម្រាប់ទីផ្សារក្នុងតំបន់។ អភិវឌ្ឍប្រព័ន្ធដឹកជញ្ជូនដើម្បីគាំទ្រដល់ចង្វាក់ផ្គត់ផ្គង់។ បង្កើនការអនុវត្តបច្ចេកវិទ្យាឌីជីថលក្នុងផលិតកម្មនិងសកម្មភាពអាជីវកម្ម។ ជំរុញការប្រើប្រាស់ទំនិញតាមរយៈទីផ្សារពាណិជ្ជកម្មតាមប្រព័ន្ធអេឡិចត្រូនិក។

នៅចុងបញ្ចប់កិច្ចប្រជុំ ប្រតិភូបានអនុម័តរបាយការណ៍នៃកិច្ចប្រជុំ AIPA Caucus ១២ ហើយបានឯកភាពថា AIPA Caucus ១៣ នឹងធ្វើនៅប្រទេសថៃ៕