បណ្ដាតំណាងអញ្ជើញទៅអុជធូបអគ្គលេខាបក្ស (VOV)

VOV)_នេះជាចំណងជើងនៃអត្ថបទរបស់ប្រធានរដ្ឋលោក Tran Dai Quang ក្នុង
ឱកាសរំលឹកខួបលើកទី ១១០ នៃទិវាកំណើតអគ្គលេខាបក្ស លោក Le Duan (៧ មេសា) ។
 នៅក្នុងអត្ថបទនេះ ប្រធានរដ្ឋលោក Tran Dai Quang បានអះអាងថា  ជិត ៦០ ឆ្នាំ​ធ្វើ
សកម្មភាព​ជាបន្ត​បន្ទាប់នោះ ត្រូវបានហាត់ពត់លត់ដំក្នុងសកម្មភាពបដិវត្តន៍​នៅក្នុង
ភូមិភាគទាំងបីរបស់ ប្រទេស ដោយមានគំនិតច្នៃប្រឌិត ទស្សនៈវិស័យវែងឆ្ងាយពិសេស
 ផ្សាភ្ជាប់​យ៉ាង​ជិតស្និទ្ធជាមួយការពិតជាក់ស្ដែង អគ្គលេខាបក្សលោក Le Duan រួមជាមួយ
​នឹង​សមូហភាពនៃគណៈកម្មាធិការមជ្ឈឹមបក្ស ដែលដឹកនាំដោយ​​លោកប្រធាន ហូជីមិញ
បានអនុវត្ត អភិវឌ្ឍន៍យ៉ាងច្នៃប្រឌិតចំពោះលទ្ធិម៉ាក្ស - លេនីន​។ រួម​ជាមួយនោះ បាន
កសាងនិងដឹកនាំអនុវត្តយ៉ាងជោគជ័យនៃគោលមាគ៌ា យុទ្ធសាស្រ្ត​បដិវត្តន៍ដ៏ត្រឹមត្រូវ រួម
ចំណែកធ្វើឲ្យសំបូរបែបចំពោះទ្រឹស្តីនៃបដិវត្តន៍ វៀតណាម នាំប្រទេសជាតិយ៉ាងរឹងមាំដើម្បី
ឈានចូលសម័យ ឯករាជ្យ​ភាពសេរីភាព​និង​សង្គមនិយម។ គំនិតច្នៃប្រឌិត ឯករាជ្យភាព
ម្ចាស់ការ ទស្សនៈ​វិស័យយុទ្ធសាស្ត្រយ៉ាងជ្រាលជ្រៅរបស់អគ្គលេខាបក្ស លោក Le Duan ក្នុង
ដំណើរការអភិវឌ្ឍន៍ និងចំពោះស្ថានភាពស្មុស្មាញនៃបដិវត្ដន៍ ជាពិសេសនៅក្នុងដំណាក់
កាលសំខាន់ៗរបស់ប្រវត្តិសាស្រ្តនោះ ជាកេរ្តិ៍ដំណែលដ៏មានតម្លៃរហូតមកដល់ពេលនេះ
ក្នុងបុព្វហេតុផ្លាស់ប្ដូរថ្មី ពន្លឿន​ឧស្សាហូបនីយកម្មនិងទំនើបភាវូបនីយកម្មប្រទេសជាតិ
និងសមាហរណកម្ម
អន្តរជាតិ​។

        នៅក្នុងអត្ថបទនេះ ប្រធានរដ្ឋលោក Tran Dai Quang បានបញ្ជាក់ថា បន្ទាប់រយៈ
ពេលជាង ៣០ ឆ្នាំនៃការអនុវត្តបុព្វហេតុ​ផ្លាស់ប្ដូរប្រទេសជាតិ​លើគ្រប់​ជ្រុង​ជ្រោយ​នោះ  បដិវត្តន៍វៀតណាមសម្រេចបានសមិទ្ធផលយ៉ាងធំធេង មានអត្ថន័យជាប្រវត្តិសាស្រ្ត។​ការ
អនុវត្តជាក់ស្តែងបានបញ្ជាក់ថាគោល​មាគ៌ា​ផ្លាស់ប្ដូរ​ថ្មីរបស់បក្សកុម្មុយនីស្តវៀតណាមគឺ
ត្រឹមត្រូវ ។ នៅក្នុងបរិបទ​នៃ​ស្ថានភាព​​ពិភពលោកនិងក្នុងប្រទេសមានបម្រែបម្រួល
ជាច្រើននោះ តម្រូវឲ្យបក្ស​កុម្មុ​យនីស្តវៀតណាមត្រូវលើកកំពស់សមត្ថភាព គំនិត
បន្តអនុវត្តច្នៃប្រឌិត អភិវឌ្ឍន៍លទ្ធិម៉ាក្ស លេនីន សតិអារម្មណ៍លោកប្រធានរដ្ឋហូជីមិញ
 នាំ បដិវត្តន៍របស់វៀតណាមឈានទៅមុខនោះ គំនិតច្នៃប្រឌិតទស្សនៈវិស័យ​យុទ្ធសាស្រ្ត
​របស់អគ្គលេខាបក្ស លោក Le Duan នៅតែមានតម្លៃដដែលទាំង ទ្រឹស្តីនិងការពិតជាក់
ស្តែង នេះគឺជាទិសដៅត្រឹមត្រូវសម្រាប់ការកំណត់​និង ដឹកនាំអនុវត្តយ៉ាងជោគជ័យ
គោលមាគ៌ាផ្លាស់ប្ដូរថ្មីរបស់បក្សក្នុងដំណាក់កាល បដិវត្តន៍ថ្មី៕