ក្នុងឱកាសអបអរសាទរខួប ២០ ឆ្នាំនៃទិវាគ្រួសារវៀតណាម (២៨ មិថុនា ២០០១ - ២៨ មិថុនា ២០២១) លោកប្រធានរដ្ឋ Nguyen Xuan Phuc បានផ្ញើសេចក្តីជូនពរនិងសារលិខិតដល់ក្រុមគ្រួសារទាំងអស់នៅវៀតណាម

លោកប្រធានរដ្ឋ Nguyen Xuan Phuc សង្កត់ធ្ងន់ថា៖ ទិវាគ្រួសារវៀតណាមគឺជាថ្ងៃលើកតំកើងតម្លៃរបស់ក្រុមគ្រួសារដែលជាព្រឹត្តិការណ៍សំខាន់មួយសម្រាប់ប្រជាជនវៀតណាម ក្រឡេកមើលឡើងវិញប្រភពដើមនិងមនុស្សជាទីស្រលាញ់របស់ខ្លួន ដោយហេតុ បានចិញ្ចឹមបីបាច់នូវមនោសញ្ចេតនា និងតម្លៃវប្បធម៌ប្រពៃណីដ៏ថ្លៃថ្នូរបស់ប្រទេសជាតិ។ ក្នុងបរិបទនៃការវិវឌ្ឍន៍ដ៏ស្មុគស្មាញនៃជំងឺកូវីដ ១៩ កម្មាភិបាល វេជ្ជបណ្ឌិតនិងយុទ្ធជនជាច្រើនមិនចេះនឿយហត់ មិនខ្លាចគ្រោះថ្នាក់ សុខចិត្តក្លាយជាខ្សែប្រយុទ្ធជួរមុខឈរជើងនៅតាមចំណុចក្តៅដែលឆ្លងរាតត្បាត។ ហើយក្រុមគ្រួសារទៀតសោត ដែលជាទីបង្អែក ជាការលើកទឹកចិត្តសម្រាប់ពួកគេដើម្បីយកឈ្នះលើការលំបាកនិងបំពេញភារកិច្ចរបស់ខ្លួនឱ្យបានល្អ។

លោកប្រធានរដ្ឋបានស្នើដល់គណៈកម្មាធិការបក្ស អាជ្ញាធរគ្រប់អង្គភាពនិងមូលដ្ឋានទាំងអស់ ត្រូវបន្តអនុវត្តយ៉ាងម៉ឺងម៉ាត់និងមានប្រសិទ្ធភាពនូវគោលការណ៍ណែនាំរបស់បក្សនិងរដ្ឋ ស្តីពីការងារគ្រួសារជាពិសេសការអភិវឌ្ឍគ្រួសារ លើកកំពស់តួនាទីរបស់គ្រួសារក្នុងការចិញ្ចឹមបីបាច់និងអប់រំយុវជនជំនាន់ក្រោយ អភិរក្សនិងលើកស្ទួយអត្តសញ្ញាណប្រពៃណី គុណតំលៃវប្បធម៌និងបទដ្ឋានល្អរបស់គ្រួសារវៀតណាមនៅក្នុងដំណាក់កាលថ្មីរបស់ប្រទេសជាតិ។ លោកប្រធានរដ្ឋ Nguyen Xuan Phuc មានបំណងថា រាល់គ្រួសារវៀតណាមទាំងក្នុងនិងក្រៅប្រទេស ត្រូវបង្ហាញនូវការទទួលខុសត្រូវខ្ពស់បំផុតចំពោះមនុស្សជាទីស្រលាញ់ក្នុងគ្រួសារ ដោយបន្តពូនជ្រុំនិងកសាងគ្រួសារមួយដែលជាគ្រួសារសុភមង្គល ជាប្រភពកម្លាំងពលំ រួមចំណែកអភិវឌ្ឍន៍ប្រទេសជាតិ វៀតណាមជាទីស្រឡាញ់ ដើម្បីវៀតណាមមួយ ខ្លាំងមាំមួនប្រកបដោយវិបុលភាព៕