រោងចក្រកែច្នៃអង្ករ - ក្រុមហ៊ុន Thoai Song បានផលិតផលអង្ករប្រហែល ១០០.០០០ តោន ដើម្បីធានាគុណភាពនាំចេញ។ រូបភាព៖ Pham Hau - VNA

ក្នុងរយៈពេល៥ ខែដើមឆ្នាំ ការលក់រាយទំនិញនិងសេវាប្រើប្រាស់សរុប មានចំនួន ២.៥៨០,២ ទ្រីលានដុង កើនឡើង ៨,៧% បើធៀបនឹងឆ្នាំមុន។ ទុនវិនិយោគផ្ទាល់ពីបរទេសសរុបដែលបានចុះបញ្ជីនៅវៀតណាមគិតត្រឹមថ្ងៃទី ២០ ឧសភា សម្រេចបានជិត ១១,០៧ ពាន់លានដុល្លារអាមេរិក។ ទុន FDI អនុវត្តនៅវៀតណាមក្នុងរយៈពេល ៥ ខែដើមឆ្នាំ មានចំនួន ៨,២៥ ពាន់លានដុល្លារអាមេរិក កើនឡើង ៧,៨% បើធៀបនឹងរយៈពេលដូចគ្នាកាលពីឆ្នាំមុន។ សេដ្ឋវិទូ លោក Nguyen Minh Phong បានធ្វើអធិប្បាយថា៖ “ចំណុចវិជ្ជមានមួយគឺការបញ្ជាទិញមានភាពប្រសើរឡើងក្នុងផ្នែកទំនិញដូចជាវាយនភណ្ឌកាត់ដេរ និងស្បែកជើង ហើយផ្នែកមួយចំនួនដែលកាលពីឆ្នាំមុនមានការលំបាកច្រើន នៅឆ្នាំនេះក៏មានការរីកចម្រើនដែរ។ ចំណុចវិជ្ជមានមួយទៀតគឺមានកំណើនខ្លាំងក្នុងវិស័យទេសចរណ៍ និងការទាក់ទាញការវិនិយោគពីបរទេស បង្កើតធនធានបន្ថែមដ៏ល្អសម្រាប់ការអភិវឌ្ឍសេដ្ឋកិច្ច”។