ទីតាំងធ្វើតេស្តរកកូវីដ-១៩ នៅខេត្ត Liaoning ចិន ថ្ងៃទី ៩ ខែមីនា ឆ្នាំ ២០២២។ (រូបថត៖ AFP/TTXVN)

សហរដ្ឋអាមេរិកនៅតែជាប្រទេសដែលរងផលប៉ះពាល់យ៉ាងធ្ងន់ធ្ងរបំផុតនៅលើពិភពលោក ដោយមានករណីឆ្លងជំងឺជិត ៨២ លាននាក់ និងជិត ១ លាននាក់បានស្លាប់។ បន្ទាប់មកគឺឥណ្ឌា និងប្រេស៊ីល។

នៅទ្វីបអាស៊ី ក្នុងរយៈពេល ២៤ ម៉ោងកន្លងទៅ កូរ៉េខាងត្បូងបានកត់ត្រាករណីឆ្លងកូវីដ-១៩ ថ្មី សរុបចំនួន ៣៥០.១៩០នាក់។ នេះជាថ្ងៃទីពីរជាប់ៗគ្នាហើយ ដែលកូរ៉េខាងត្បុង បានរកឃើញករណីឆ្លងជំងឺថ្មីលើសពី ៣៥០.០០០នាក់ ក្នុងបរិបទដែលវីរុសបំប្លែងខ្លួន Omicron កំពុងឆ្លងរាលដាលយ៉ាងឆាប់រហ័សនៅក្នុងប្រទេសនេះ។

ក្នុងពេលជាមួយគ្នានោះ នៅថ្ងៃទី១២ ខែមីនា ចិនក៏បានកត់ត្រាចំនួនករណីឆ្លងកូវីដ-១៩ ប្រចាំថ្ងៃ ដ៏ខ្ពស់បំផុតក្នុងរយៈពេល ២ ឆ្នាំកន្លងមក ដោយមានចំនួន ៣.៤០០នាក់។ យោងតាមគណៈកម្មការសុខភាពជាតិចិន (NHC) ករណីឆ្លងជំងឺក្នុងសហគមន៍គឺភាគច្រើននៅក្នុងខេត្ត Jilin។ ចំនួនករណីថ្មីបានកើនឡើងយ៉ាងខ្លាំងនៅទូទាំងប្រទេស ដោយបង្ខំឱ្យអាជ្ញាធរចិន បិទសាលារៀនមួយចំនួន និងដាក់បទបញ្ជាបិទខ្ទប់នៅទីក្រុងភាគឦសានមួយចំនួន៕